اهداء هذه الابوذيات الى عراقي راقي وشنو رأيك ابوذيات لو لا

[BAN]

خذت ذيج الليالي رادمنك
المصايب ياحبيبي رادمنك
اليحبني واليضدني رادمنك
اهيد وما كدر واحد عليه


جبل وشما ليالي رادمنك
نبع وشما يعطشن رادمنك
يناهي اليحب تهجع رادمنك
خلل لاينكشف علتك خفيه


بعد تكدر تشيد صرح وتهد
وبعد تكدر تسامح دوم وتهد
اليحبك حك يريد تهجع وتهيد
حكك ضيعت راعي السريه

لويتو الوكت مامره لواكم
عالي وفي اله عالي لواكم
وحكك من اصل يمك لواكم
دموعي جنت اجي صبح ومسيه

[رآفت آلحديثي]

أولا شكرا على الاهداء .

ثاني شي أي هاي هسه صدكَ أبو ذيات عاشت الايادي

يلله بأنتظار المزيد من المشاركات الرائعه

لكن في ملاحظه ..

بس كتابة أسم وعائديت الموضوع أو الشعر اذا لم يكن لكِ فالرجاء كتابة منقول أو اسم صاحب الشعر

أو أذا كان لكي كتابة بقلمي ,,


وشكرا مره ثانيه منوره القسم .


تحياتي

[الزركاني]

غزالة وكلبي يلعب لايـــج الهة
وانة من الذيب خايف لايج الهة
بيضة وتلبس اسود لايج الــهة
گمر طر السحاب وطــــــل علية

يعالــــم بيه ياربــــــــي وداري
يبيتي اومســــكني انت وداري
عليه ابرحمتــــك ظلل ودراري
ولااتعذبــني بالــناراللظـــــــيه

المصايب بس على روحي تلافت
يگلبي اعله النكر طيــبك تلافت
اون وعظامي بهــجرك تلافت
طريح وســاد دوب النفس بيه

دويت بنار هجرك وانته طافي
وغرگت ابحر حبك وانته طافي
صرت عاشوري انته وانته طافي
وبحزانك گمت تردف عليه

جنت عيطة وتمرهة ثمن برحاي
ووكت الجوعة الوج الغيم برحاي
صرت حبة شعير اليوم برحاي
ابطر تطحن جفوف أنذال بية

ها انحب يا كلبي بعد هاوين
اذا ناس التودني هيج هاوين
شممد ايدي علة جيبي يصيح هاوين
شلك عندي وتمد ايدك علية
دح الخنسة عل الخمسة ترندح
وملج الموت بس يمي ترندح
يدنية من تضل هيجي ترة نديح
ونبسط بالجهال علة الوطية

غرك راسة وطنة بالكراسي
تطلعة وخلة دورة بالكراسي
لأن عالكرسي صارت بالكراسي
شنخة البيش مركة تطلعة لية

[لوليتا]

حلو عاشت الايادي تحياتي انتظر جديدك

لوليتا