مر علينا وشوف

[شاكر الهلالي]

بدربه شكًد مشينه وان سعينا
ويصدلي بطرف عينه وانسى عينه
اتيه بورد خده وانسى عينه
جميله خدوده تشبه مزهريه

@

سهل دربك علينا من تصل لي
العتب والغيظ اعوفه مت تصل لي
اندعي ربك يغالي من تصلي
واقره الفاتحه ونلتم سويه

@

حلو ومايع حبيبي من حلاته
ودنيت لمست شعره من حلاته
كًمر بالليل ينور من حليته
الشعر شع نور ويضوي عليه

@

تحب احنه نمرلك لو تمرنه
برسم الطاعه لجلك لو تمرنه
ونتبادل المره لو تمرنه
واشوف الصوج منك لو عليه

@

وهذا اللي عندي اليوم وتحياتي

[لوليتا]

اكثر من روعه اخويه العزيز

الدنيه خلافك وحشه ........ومره

ولا منك بعد جيه.........ومره

صورك مره اضمنها.....ومره

اشوفنها توج نيران بيه


لوليتا

[شاكر الهلالي]

شكرا لمرورك الطيب اختي الكريمه المميزه


@ @ @
محروك على شوفك وانسى همنا
تنطي الغير اكثر وين سهمنا
سهم الغير باجه او وين سهمنه؟
بس -على راسي شما يجي منج هديه

[ابوهباوي]

ابوذيات حلوه عاشت ايدك اخي شاكر الهلالي

[مامان]

حلو ومايع حبيبي من حلاته

واحلى من الحلا
انتقاء جميل وبراعه في التنسيق
سلمت الانامل ، لا تحرمنه من الابداع
تحياتي وأجمـــــــــــــــــــــــــــــــــل سلامي

[شاكر الهلالي]

اساتذتي (ابو هباوي - مامان ) وانا ادعوا الله ان لايحرمني من تواصلكم وان يحفظكم بعينه التي لاتنام وممنون منكم كثيرا

[الخــالدي]

رووووووووعه
عاشت ايدك

حلو ومايع حبيبي من حلاته
ودنيت لمست شعره من حلاته
كًمر بالليل ينور من حليته
الشعر شع نور ويضوي عليه

[علي العابدي]

هله وميت هله واكثر هلالك
يطيب الذات والمنبع هلالك
واذا راس الشهر بين هلالك
يغار ويختفي هلال البريه
الله لايحرمنه منك
اخوك العابدي

[مامان]

شكرا على التسميـــــــه
ولكن يبقى شاكرُ قمرا
وتحيط به الأنجمُ

تحياتي لك وأجمل سلامي