مشاهدة النسخة كاملة : ][®][يـــــوم فــــــي حياة عضـــــو][®][


SaDiM
02-20-2008, 03:50 PM
http://www.alfrasha.com/up/13920980651962761934.gif


هلوووووووو شلونكم يا ورود

بصراحة شفت موضوع جميل وخفيف و يا ريت الجميع يشارك فيه


الفكره عجبتني وحبيت اطبقها بمنتدانا وهى منقوله

سنقوم باستضافة عضو..يحكي لنا عن مسار يومه

منذ ان يصحو صباحاً حتى يحل الليل وينام...

متحدثاً بحريه تامة وبأسلوب..عفوي جداً.وكم جميل لو كان به

بعض المــرح والإنطلاق والتحرر من قيود المواضيع الروتينيه

ثم بعد أن ينتهي يقوم هو شخصياً بأختيار عضو آخر

ليحكي لنا عن تفاصيل يومه وكيف يقضيه...

طبعاً حبذا لوكان التحدث عن يوم عادي وليس يوم إجازه

وذكر التفاصيل ليكون الموضوع ممتع...

طبعا كل عضو نختاره ويتكلم عن نفسه بعد ان ينتهي

يختار هو العضو الذي يليه وهكذا....

وانا اول من سيختار....



اممممممممممممممممممممم


اختـــــار مشرفنا العزيز * معانـ رجل ـأة *

يله هشومي احجيلنا شلون تكضي يومك بس لاتنسى تختار العضو اللي وراك..

تــحياتي للجمــيع

سدـــيــم

http://www.alfrasha.com/up/1155418575824500258.jpg

IxI HaShOoM IxI
02-20-2008, 05:36 PM
السلام عليكم ورحمة الله وبركاته

أنا لله وأنا اليه راجعون
أدري يعني شلون مالكيتي غيري هههههههه
المهم يله نبدي هيه لو بالهدف لو بالنجف
بسم الله ....
طبعآ يوميه أكعد من النوم ساعه 9 الصبح ( قابل بليل ) خخخخخخخ
أغسل وجهي بالنفط لان خاف متدرون وجهي دهني والدهن ميطلع بس بالنفط (نفط ماكو أحيانآ أستعمل تيزاب)خخخخخخ
أغسل وجهي بعدهه أشرب قوريين جاي محروكَـ مصموط دينه حتى راسي يكعد وزن
ألبس ملابسي مال طلعه يوميه البس بيهن حتى صارن خركَه يعني أمشي بالشارع كل شويه ينطوني ربع دينار عبالهم فقير ( يامحسنين لله) هاي أكولهه بقلبي ههههههه
أروح للمحل مالتنا هو مركز مال صيانه الموبايلات وكل مايتعلق بالبيع والشراء والاكسسوارات ...... والخ
أكعد عالحاسبه الخاصه مالتي شغلي هو هارد وير وسوفت وير ونفس الوقت الهي نفسي بالنت
اليوم يمشي طبيعي ماكو مشاكل بس الظهريه يسمو عدنه وقت العاطلين يعني وين ماكو واحد فسكَان وعاطل يجينه هههههههه
بارحه طبلي واحد بجيبه الفين دينار يكلي هارد وير وسوفت وير ويريد برامج والعاب وثيمات وهو جهازه طابوكه هههههههههه
آني ضربت نفسي راشدي وكتله روح ترى روحي كامزه من الياخه والياخه بعدهه جديده
واذا متجر منا هسه أجرلك بوري وأضربك أبن الابنل (تدرون آني ما أغلط لان خوش ولد وحباب وبيتنه بالمشخاب)
أدري صارت قصه بس خلي أكمللكم
هذا شافني عصبي جان يطفر أجاني الثاني يكلي اريد كيلو طماطه بالله هذا شتحجي ويا أضربه طلقه وأضرب نفسي وراها وأخلص المجتمع من هيج نماذج تعبانه
المهم لحد ماصاير الليل آني القصبات الهوائيه يابسه من الهوا والرئه مخشبه هههههههههههههه
أوصل للبيت بال11 بليل بعد ما اروح شويه يم سوران أطب للبيت أمي تستلمني رزايل ونوبات تطردني من البيت أبات بالشارع
الى ان فد يوم تلكون موضوع مثبت أنتقل الى رحمة الله تعالى أخوكم فلان الفلاني
والسلام عليكم ورحمة الله وبركاته
تنويه : القصه غير حقيقيه ومعليكم بالحجي هههههههههه

شكرآ الج حبيبتي عالموضوع الرائع
وآني أختار أبن بغداد حتى يسولفنا عن يومه وشلون يقضي
تحياتي للجميع
أخوكم
هشــومي

آبـن..بــ.غ.ــدآد
02-21-2008, 08:22 PM
السلام عليكم

أكَعد الصبح ساعة 6:00

طبعا ابقة بالفراش للـ 6:30 لأن ما بية حيل أكَوم

اغسل وجهي ((دائما الماي بارد من الصبح )) وارجع للغرفة ابدلـ ((دائما ماكو كهرباء ظلمة الدنية بالكَوة اشوف الملابس )) واطگ الجل بشعری واطگ العطر واطلع

امشی مسافه تقریباٌ 400 متر حتى اوصل للكيــات مال باب المعظم , واصعد بالكيا اول ما تمشي الكيا يبدون يتعاركون ع الكروه الركاب

السايق ايريد 1000 ع النفر والركابة ايريدون ينطون 750 واتصير مشاكل وهوسة ومرات ابو الكيا ياخذ الأيريدة ومرات الركاب ما ينطو (( حسب الحالة النفسية الركاب ض5 ))

نوصل أول ازدحام يم مسبح الصفا لأن انمر بسيطرة للجيش العراقي وسيطرة للصحوة وهذا الأزدحام ربع ساعة الى نص ساعة ووراها نعبر القناة ويجي الأزدحام مال الجامعة المستنصرية تقريبا ربع ساعة ووراها يجي الأزدحام مال السيطرة اليم باب المعظم

اوصل للگراج مال باب المعظم اركب فولگا للشورجه النفر على ربع

اتذبني بالرصافي واتمنشة للمحل ((لبيع الأحذية المستوردة بالجملة )) في ساحة الغريري

طبعاً دائما الكَة العمال متأخرين ومن الصبح اتصير عركة انفتح اول ما نگعد بالمحل الصبح یجی ابو الچای ایصبلنه چای وراها یجینه الامجدی ننطی ربع واتريكَـ ويبدي الشغل

يعني انبيع بضاعة وانشوف المن انبيع

هذا المحل يمتلكه والدي ولكن حاليا ما موجود والدي امسافر واني دايرلهيا

اني اسوي وصولات والتعامل ايصير بيني وبين أهل محلات المفرد يعني الصراحة اشوية دوخة , نستمر لحد ساعة 2 الظهر انعزل وارجع للبيت اركب كيا الـ حي أور من الرصافي وانزل قريب ع البيت واشتري من المحل اليمنة لأختي الصغيرة نستلة او شي

واول ما اطب للبيت تتلكَاني اختي الصغيرة عبالك صارلهه سنة ما شايفتني ض5 انطيها النستلة بعد ما اشوفهه لأن خلصت مصلحتهه ويايه ض61


وامي الكاها امسويتلي غدة اتغدة واتصير ساعة اربعة أصلي وافتح الحاسبة واگابل هالوجوه الطیبه واحجي وية ابوية ع الشغل من خلال النت وافتح عیون العراق لما ايصير العشه انزل ساعة تسعة اتعشة وارجع الساعة 12 ايطفي ابو المولدة الكهرباء وابقة ع الشحن مال اللابتوب للوحدة ايطفي ابو المنظومة مال النت وانام ومرات اخابر ورة ال 12 ع الخدمة مال عراقنا ض61

وعاشت عيشة سعيدةض61

اختار وراية

حمادة ام تي سي ض61

أحمد البغدادي
02-22-2008, 02:28 AM
عاشت ايدج سديم ..موضوع حلو.. وننتظر حماده ام تي سي اثير شلون روتينه اليومي

تحياتي

SaDiM
02-22-2008, 05:09 PM
يله حماده وينك

تعال استلم الرايه

ض61

بـغٍْـدِآدْيـﮯ
02-25-2008, 10:54 PM
اول شي السلام عليكم

اعذروني على التأخير بس چان الطريق مسدود ومگدرت اوصل لان بانزين ماكو ونفط ماكو المهم كلشي ماكو وهاهية ض5

هسة نجي على الروتين مال اني اليومي ض5

اول شي اذا اكو عندي دوام اوقت المنبه مال المبايل بــ 06:45 الصبح .. طبعاً يبقة يدك وحدة واني نايم بالفراش ض5

وره الصياح والعركات اكعد اغسل وابدل واروح للكلية

اذا اكو سيارة بالبيت اخذهه وافلت للكلية بس اذا ماكو ولا وحده اتوكل على الله واروح بالنفرات ض5

اركب من راس الشارع مالتنة سيارات البياع .. وانزل بگراج البياع .. واركب سيارة الكاظمية

طبعاً اكو فقرة كلش حلوة بالنفرات ذكرهه احمد قبلي وهية تصير عركات على الكروة واني متونس عليهم من الصبح ض5

اوصل للكلية تقريباً ساعة 9 الكة جماعتي نص داخلين للمحاظرة الاولى والنص الثاني كاعدين بالنادي

اذا محاضرة بيهه خير وحلوة ادخل واذا لا والاستاذ حقنة ما ادخل ابقى محدق بالنادي ض5

ورة متخلص المحاضرات يعني نخلص تقريباً بــ 1:30 ارجع للبيت وكل العادة اركب سيارة العلاوي وانزل بالعلاوي وراهه اركب سيارة البياع وانزل بكراج البياع وراهه اركب سياة للبيت ..

ارجع للبيت اتغده هنا الحجي تقريباً الساعة 2 ونص او 3 الظهر ..

انام فد ساعة او ساعة ونص يعني تصير بالـــ 5 العصر اني اگعد اگلب بالملازم هذاك الوكت اصير شاطر محد يجي يمي على اساس دا اقرة ض5

تصير ساعة 6 اشغل الحاسبة وادخل للنت وافتح عيون العراق وافتح الماسنجر واظل ادك فچ لساعة 12 بالليل لان ابو المولده يطفي

هنا الحجي اذا اكو عندي دوام واذا ماعندي دوام اگعد ساعة 12 الظهر لو بالــ 1 حسب التساهيل ض5

هذا الروتين مالتي اليومي .. ارجو ان ينال اعجابكم واستحسانكم ض5

كان محدثكم عبر قناة ام تي سي اثير الرياضية اللاخبارية الفضائية الارضية حماده ابن ام حماده

وفي نهاية البرنامج اتقدم بأسما التهاني وازكى واحمد ومحمد وجميع المستمعين والمستمعات الاحياء منهم والاموات

وانا لله وانا الية راجعون

الفاتحة ض5

//

شكراً سديم ع الموضوع الراقي مثل صاحبة

واختار وراية

* رؤى *

تفضلي رؤى الى منصة التتويج بلقب ستار اكادمي ض5

SaDiM
02-26-2008, 08:46 PM
هههههههههههههههه عابت

/ /

يله رورو حياتو تعاي لان الجمهور منتظريج بفارق الصبر

ض61

* رؤى *
02-26-2008, 10:12 PM
السلام عليكم ورحمة الله وبركاته

تحية معطرة بأريج الياس والكادي لصاحبة الموضوع الجميل { سـديـم }...
ومثلها وأكثر لصاحب الدعوة الرقيقة { حمــاده }...

جميل أن نسطر يومنا ببعض سطور
فياليت يومنا يكون بسهولة كتابة هذه الاسطر ..!!


أبتـدء يومي بكلمات يرتلها اللسان حباً وكرامة ..
بالحمد والثناء لاني أصبحت بحمد وعافية ...

... هسه نحجي بالعاميــة .....

طبعاً أفز على منبه الموبايل المزعج ساعة 6:30 الصبح والدنيا ظلمة بعدها وبعدني نعسانة http://www.cheesebuerger.de/images/midi/muede/b010.gif..
گبل أغسل وجهي و أغير ملابسي ( هذه العملية تستغرق من وقتي لحد الساعة 7:30 http://www.cheesebuerger.de/images/midi/konfus/e014.gif )

أنزل جـوه ألگـه الوالدة الله يخليها محضرة الريوگ (بس هاا مو لخاطرنه , لخاطر الوالد لان يطلع من الصبح للشغل )
بس بكل الحالتين أني ما أتريگ بالبيت هيج وقت ...

تصير ساعة تقريباً 7:40 أطلع من البيت , وأتمشى لحد موقف الباص
وطبعاً هيج وقت يكون الباص مزدحم يعني لو أحصل مكان لو أضل واكفة .. http://www.cheesebuerger.de/images/midi/traurig/a010.gif

تقريبا 1/4 ربع ساعة وأوصل للدوام ..
وتبلش الدوخة منا لساعة عشرة 10:00 يصير عدنه بريك (فرصة )..
أستغلها وأروح واني وصديقاتي للكافتريا مالت الجامعة ..
أروح أتريگ علمود أصحصح ..
وأستمر بالدوام لحد ساعة 3:00 ومرات ساعة 4 لان أبقى ادرس هناك لان هدوء
وي الطلاب عالواهس .


أرجع بالباص لبيتنا وتقريبا ربع ساعة و أكون بالبيت , بس شنو حيلي كله مهدود http://www.cheesebuerger.de/images/midi/muede/f029.gif
أخذلي فد نص ساعة او اكثر أرتاح بعدين أشوف الوالدة أذ محتاجة شي مني
ننتظر الوالد على الساعة 5:00 يرجع من شغله ونتغدى ...
وبعد منخلص غدى لازم أحضر القهوة للوالد ( أسويله ترمز قهوة حتى ياخذه وياه للمحل )..
وأخلص المطبخ هاي اذا چـان عليه بيومها ( واذا على اختي رأسن أفلت لغرفتي شوفوني شكد حبابة ههههه ).http://www.cheesebuerger.de/images/midi/konfus/a082.gif

أنـوب اصعد لغرفتي وحاقدة على الكتب ومالي خلگ أصلاً أباوع عليهن
أفتح اللابتوب وأجي للمنتدى أشوف شكو ماكو هيج عالسريع ..
وأسـده وأرجعله وره ما أكون أرتاحيت ..

تقريباً ساعة 8 ومرات أقل أفتح الايميل واضل اسولف وي گروبي وبنفس الوقت
فاتحة صفحة المنتدى اذا اكو مواضيع بقسم الموسيقى أرد عليها واذا ماكو
أضل أتصفح بالمنتدى منا لمن أضوج وأسده ...

تقريباً ساعة عشرة ومرات عشرة ونص أسده لللابتوب ,
أنزل للوالدة أساعدها ونسوي العشه لاخوتي ..وبما أنه أني العشة مقاطعته من سنين
بس أخلص أصعد لغرفتي أكمل واجباتي و من أخلص لمن تصير ساعة12:30
أروح أفرش أسناني http://www.cheesebuerger.de/images/midi/muede/b015.gif وأفوت أنام ...

وعاشت عيشة سعيدة

الي باك حتى أختار ضحية > قصدي عضو يحجيلنه عن يومه شلون يخلصه

تحياتوو

SaDiM
02-26-2008, 10:17 PM
هههههههههه يسلموووووووووووووو حياتو رورو

ومرسي على مرورج الرائع

و

ننتطر اسم العضو القادم

* رؤى *
02-26-2008, 11:08 PM
الله يسلمج حبيبتي سدومة ..

//

يسعدني أدعو الغالي أمــوري البصري
كيف يطلعنا على جانب من حياته اليومية .

اموري البصري
02-26-2008, 11:57 PM
بسم الله الرحمن الرحيم
اللهم صلِ على محمد وآل محمد وعجل فرجهم الشريف
اللهم واحفظ زوار الحسين عليه السلام وارجعهم الى ديارهم سالمين غانمين ودفع عنهم كيد الظالمين انك ارحم الراحمين
/
/
كما الامس البعيد واليوم .. تداعب انثى طرية من حيناً لاخر شواطئ خيالاتنا ولا تكتفي بالقمم فهي تسمو لفوق القمم
صغيرة المنشأة كبيرة القلب
سديم احبچ من الله
***
حبيتي دعتني لاكون ورقة مستكملة لشجرة مقرر ان ينتهي العمل بورقياتها بعد استكمال ردود الباقين
رؤى ان كنت تجهل من هي رؤى ؟ فسعى كي تترجم معاني للحنان

يومي هكذا
اوقت منبه نقالي في تمام الساعة السادسة والنصف صباحاً استقيض في الساعة 700 في التوقيت العسكري اي الساعة السابعة صباحاً في اكثر الايام اهرع كي استحم تحت سيل المياه الدافئة ارتخي وانتعش ربما ليس غالباً ما اتناول وجبة الفطور في المنزل ارتدي زيي العسكري اقف امام المرأة وانا في فخر اسرح شعري اضع مثبت التسريحة ( الجل ) لان دائماً ما تكون الرياح عكس اتجاه تسريح شعري هع اخرج من الدار افضل ان اسير الطرق المؤدي الى ثانوية شط العرب للبنات كي استفيظ من جمال الانوثة ههه وعلى بعد ما يقارب كم الموقع الجغرافي لمقر مديريتي (مقر مديرية فوج مغاوير الشرطة الثاني ) اباشر في اعمالي الوظيفية كأداري ينتهي عملي في الساعة 1400 اي الثانية بعد الظهر ارجع الى الدار اقم صلات الظهر والعصر ارقد الى مضعجي كي اهوب النوم لساعة استيقظ ربما بعدها اخرج لرؤية اصدقائي او اقوم بالجلوس ومداعبة حاسوبي القذر المليئ بالفيروسات يكبر داعي الصلاة الله اكبر .. الله اكبر نعم هو وقت صلاة المغرب ابادر كي ااودي الفريضة اتناول وجبة العشاء اتحرش بصغيرتي خلوياً ههه ارجع لحاسوبي .. حتى ان يحين وقت منامني .. وهكذا هي ايامي
والحمد لله رب العالمين والصلاة على سيد الخلق محمد وآله الطاهرين
/
/
/
ادعو من خلفي السيدة نورة ملكة حجيرات القسم العام بعد التحية

نــــــــــوره
02-27-2008, 04:13 PM
صَباحٌ يَتقَاطرُ نَدَىً عَلى وُريقَاتِ الجُورِي .. // http://www.albrens.com/vb/images/smilies/rose.gif
صَباحٌ تَنْحنِي لـِ شُمُوخِ ضِياهُ اَشِعةُ الشَمسِ الذَهبِيَّه .!
بـِ رِفقةِ النُورْ حَتماً سيكُونُ لـِ الصَباحْ .. " اِشْراقةُ البَهاء " .. // http://www.albrens.com/vb/images/smilies/throb.gif

(غ ــاليتي)..
.."سـديـم "..!

مَااعذَبهَا مِنْ مَساحه .!
ومَاندَاهُ مِنْ شَاطِئٌ يَكتسِي حُلةُ الذَهبْ .!
ويُعانِقُ غَيبُوبةِ خُطُوطَ الشَمسْ الذَهَبِيه ..
طِبتِ يـَ فَاتنَةُ الحرفْ .. // http://www.albrens.com/vb/images/smilies/rose.gif
لكِ امتِنان بـِ عُمق الَبحر ..!
..
وعَظِيمُ الاِمتِنانْ لـِ القَدِير .. "اموري البصري" .. // http://www.albrens.com/vb/images/smilies/rose.gif

تحِيه ملكِيه تُلامِسُ سَمائكَ

http://up102.arabsh.com/my/a72c3a9.gif

/

.

http://www.uiraqi.com/vb/images/smilies/014.gifيــــــوم نــور العراقhttp://www.uiraqi.com/vb/images/smilies/014.gif







يبدأ يومي من الساعة السادسة صباحاً في اغلب الايام

طبعاً معروف كمسلمين نصلي الفجر ..

بعدها ارتشف قهوة الصباح مع الوالد الله يحفظه ..









ثم استعد للذهاب الى الكلية ..

اذهب لدوام تقريباً الساعه 7.15 ..

الدوام ينتهى تقريباً الساعة الثالثة ظهراً في اغلب الاحيان ..

بعد مارجع للبيت ..وقت استراحة لي اجلس مع الاهل ونتبادل اطراف الحديث ونتسلى ..

بعدها افتح كَتبي ودفاتري (وابلش) بالمذاكَره ..











بالـ 9 المسا ادخل نت أتصفح بالمنتدى ,..انام تقريبا بالــ12 واحياناً بالـ1





هذا هو يومي
http://www.albrens.com/vb/images/smilies/33978_01195975150.gif
.
,

يُسعدني أن أدعو ...
.. ( العَاطِـرْ ) ..

.. " فَيلَسُوفَ الْكَلِمَه " ..

"رآفـت الحديثي "

http://img143.imageshack.us/img143/2391/3ee7435pz2.jpg (http://imageshack.us)

كُل الوُد

رآفت آلحديثي
02-27-2008, 08:21 PM
السلام عليكم ورحمه الله وبركاته

تحيه عطره :

لجميع من مر بقاربه على شواطئ هذا المرسى

تحيه للأخت سديم ,, لطرحها الاقتباس الجميل لفكرة الموضوع ,

تحيه لمن مروا جميعا ,,
عامه ,,

تحيه معطره لأخي (( اموري البصري استغل المتصفح هذا كي ارسلها له معطره بشوق صاحبها ))

واخرى (( لنسيم الصباح رقيقة البوح نوره ))


طبتم بكل الود ,


//



يوم الحديثي

,,


يوم عادي عابر كيوم اي عراقي بأختلاف المتاعب والمعاناة

الصبح بالعمل طبعا عملي الحر وليس ارتباط بفد عمل رسمي

عملي غير مقيد بوقت مرات ابقا ورى صلاة الظهر ومرات قبلها

نهاري اغلبه جالس قريب نهر دجله

احب النهر احب البساتين احب الطبيعه

الجبال مكاني الدائم بعد النهر والبساتين

اغلب الاحيان اروح للجبال اظل اتمشه احب صعود الجبال
واهسي المدمن عليه

لكن للاسف حاليا مدا اروح لان (( خوات مادونا بكل مكان الله يكَطعهم ))

ورى صلاة العصر

ارجع مرات للعمل لو اروح يجوني اصدقائي عدهم حاسباتهم عاويه
لو فرمته لو تصليحات

وراها نجلس سوه بفد مكان نظل نكَص بالعالم هذا طويل وهذا كَصير سوالف
العراقيين http://www.iraqeyes.com/vb/images/icons/012[1].gif

لو نشوف واحد من الشباب نلبس براسه العشه والمشروبات
مشروبات غازيه هههه لحد يروح بغير راي http://www.iraqeyes.com/vb/images/icons/(35)[1].gif

ويجي الليل وما ادراك من يجي الليل

مرات اجي للنت والاكثر ابقى مع الدفاتر والكتب

لازم اكتب كل يوم اكثر من 20 الى 30 صفحه مذكرات او خواطر

او اظل متعاند مع القصيده الشعبيه الي دا احاول جهد الامكان

ان اكون اقرب عليها واكثر انسجام معاها

ابقى مع الكتب والاوراق حتى صلاة الفجر

اصلي وادعيلكم وانام

وعندها ادركت شهرزاد الصباح

وسكتت عن الكلام المباح




محبتي لكم

الله اعلم بما جاء في قولي

من صدق او ض8







ادعي بعدي

لنكتشف اسرار يومها

ونتجول معها بين احداث نهارها وليلها

الاخت


غـــزاله سابقاً

حاليا ما أعرف شنو اسمها http://www.iraqeyes.com/vb/images/icons/39[1].gif

SaDiM
02-27-2008, 09:13 PM
كما الامس البعيد واليوم .. تداعب انثى طرية من حيناً لاخر شواطئ خيالاتنا ولا تكتفي بالقمم فهي تسمو لفوق القمم
صغيرة المنشأة كبيرة القلب
سديم احبچ من الله
***





تسلملي اموري الوردة على مشاركتك الجميل وكلامك العذب
نورت الموضوع غلاي







(غ ــاليتي)..
.."سـديـم "..!

مَااعذَبهَا مِنْ مَساحه .!
ومَاندَاهُ مِنْ شَاطِئٌ يَكتسِي حُلةُ الذَهبْ .!
ويُعانِقُ غَيبُوبةِ خُطُوطَ الشَمسْ الذَهَبِيه ..
طِبتِ يـَ فَاتنَةُ الحرفْ .. // http://www.albrens.com/vb/images/smilies/rose.gif
لكِ امتِنان بـِ عُمق الَبحر ..!
..



يسلملي كلامج الحلو عزيزتي نوره

نورتي الموضوع

و

اجمل تـ ح ـياتي لحضرتج





[quote=~Ra'fat~;1239652]السلام عليكم ورحمه الله وبركاته



تحيه عطره :

لجميع من مر بقاربه على شواطئ هذا المرسى

تحيه للأخت سديم ,, لطرحها الاقتباس الجميل لفكرة الموضوع ,


اهووووووووووو همين انت رأفت هههههههههه
يسلمو على مشاركتك الحلوه عيوني
ارق تحاياااااا لحضرتك
و

الى كل من شارك بلموضوع



~~ سديـم ~~

* вєℓℓα ιℓ fℓσяє *
02-27-2008, 10:42 PM
http://img530.imageshack.us/img530/1441/55875612ks6.gif

بحار الشكر ومتنـان للاخ العزيز " رآفت التكريتي " ..

. . . .



يبدأ يومي هوة من الساعة 11 ضهراً استيقظ من النوم طبعا مو اني اكعد هورنات السيارات لي يمنة اتكعدني ض40



طبعاً من كنت داخلة الجيم الي هوة التنس وا بليارد او بولنك او كَولف كنت اصحى من وقت او بهذا اليوم احساس يكون النهار طويل جدا
وعند رجوعي من الجيم مرهقة وتعبانة كولش اروح اتغدة وراهة اروح ع المنتدى اكعد شوية وراهة اروح انام
تقريباً اكعد الساعة 9 با ليل اكعد اتعشة او اروح العب كونكر او بلاكهدوان ع الكومبيوتر
العب شوية او اشارك با المنتدى شوية وبعدهة اتصير الساعة 3 لو 4 اروح انام

http://www.mrkzy.com/uploads/91b3a7257a.gif اليوم الي ما اروح بي للجيم http://www.mrkzy.com/uploads/91b3a7257a.gif





مرات مو على طول نطلع اني او زينب صديقتي نتمشة شوية او نجي
او اذا اتأخر احصل رزالة ض40


او مرات ايضاً اروح وية ماما لدكتور




او

اذا مثل اريد اشتري اكسسوار او ملابس نطلع اني ماما او بابا

من تجي اختي زياره النة يومية نطلع لان خطية زيارتهة شهر او مرات 5 اسابيع

او اذا اختي يمنة مو طلعت اروح اكتل بنت اختي ض48

لا احب اكتل اطفال ض35



او جلوسي مع اهلي قليل لان ماعندي وياية اختي او اخت
يعني هوة هذا يومي كولش بسيط http://iraqeyes.com/vb/images/icons/arabi29[1].gif

يشرفني
ادعي هذه الدعوة
للانسـانة العزيزة


" اسيرة الذكريات "

ملكة نقاشات الجاده

تحياتي من كل قلبي

http://img530.imageshack.us/img530/6175/72783353up3.gif

SaDiM
03-01-2008, 04:49 PM
نظرا لتأخر الاخت اسيرة الذكريات عن الرد

لاسباب خاصة

يسعدني ان ادعوا حبيبتي الغالية

هالــه

http://img520.imageshack.us/img520/2931/73453807sm1.gif

خ ــفاجية
03-01-2008, 05:28 PM
السلام عليكم ورحمة الله وبركاته

طبعا يشرفني حبيبتي سدوم تدعوني وراح اشيل خشمي وامشي ههههههههه

موضوع كلش حلو من سدومتي واحنا متعودين مو شي جديد علينا ما شاء الله مبدعة دائما
(كافي صبغ خلصت التنكة) هههههههههههههههههههه

يومي جان كالاتي
كعدت ساعة ب 8 وثلث بالجلاليق لان عدنه طلعة للكرادة
امي ظلت تصيح ولج هالة اكعدي ترة .............
هههههههههه
المهم بالشافعات كعدت الحمد لله ونظفت البيت وبدلت وطلعنه اني وماما ساعة بال 10

وصلنه للكرادة بس انضربنه بوري لان الشغلة مصايرة
كالوا روحوا وتعالوا باجر
احنه رحنه لبيت جدي لان همة هم بالكرادة وتغدينة يمهم(الله يعافيني شكرا)
خابرونه الجماعة وكالوا يابة ترة الشغلة صارت
طبعا هالحجي ساعة بال 4
رحنه وللأسف الأسيف لكيناهم معزلين

ورجعت للبيت وهسة فتحت نت لكيتهم مكبرين راسي ومسويلي دعوة
وجيت رديت
هههههههههههه

هذا هو يومي لهذا اليوم

الف شكر لحبي سديم عالموضوع الراقي واليخبل مثلهه

تـــحـــ ميو ـــــياتي

ها صدك نسيت
يشرفني ان ادعو المتألقة اسيرة الذكريات

SaDiM
03-01-2008, 06:07 PM
[quote=ღ♥ღهـالـةღ♥ღ;1250528]السلام عليكم ورحمة الله وبركاته


طبعا يشرفني حبيبتي سدوم تدعوني وراح اشيل خشمي وامشي ههههههههه

موضوع كلش حلو من سدومتي واحنا متعودين مو شي جديد علينا ما شاء الله مبدعة دائما
(كافي صبغ خلصت التنكة) هههههههههههههههههههه


هههههههههههههههه فدواااااااااااااااااااااات كلبي هلول
ردج الأبدع عمري
و
مرسي على مشاركتج الجميله يا وردة الورود

//

مثل ما تفضلت هلول ندعوا الاخت المتالقة

* اسيرة الذكريات *

يله

سوسو منتظريج تنورينا بمشاركتج عزيزتي

ღღآسيرة آلذكريات ღღ
03-01-2008, 09:02 PM
بالبدايه اشكر صاحبة الموضوع العزيزه سديم

*
اعتذر من الغاليه الغزاله السمراء عن التأخر لتلبية دعوتها لعدم ايصال اي دعوه شخصيه..!!

*
واشكر الاخت هاله على دعوتها

هههههه صارت كومه دعوات المهم اشكرهم كلهم الدعوني ,,

*
طبعاً اول كعده الي تكون ساعه 6 على صلاة الفجر
اصلي وارجع انام للساعه 8 الاربع اكعد اخويه على دوامه وارجع انام لل8 وربع هههه هي مابيها فائده بس واحد من نعسان الخمس دقايق تفيده
اكثر الايام مااتريك
تصير 9 الاربع اطلع على دوامي هي مشي 8 دقايق بس اذا اروح بالباص ربع ساعه هههه فااروح مشي اكثر الايام
الدوام من 9 لل12وربع عدنه استراحه ساعه 10 ونص مرات اتريك بيها واظل بقاعة الكمبيوتر افتح موقع عيون العراق لحد ميكمل الدوام لان المحاضره الثانيه دائماً تكون على الحاسبه

ارجع للبيت اذا جوعانه اتغده وانتضر ساعه يلا اروح للنادي
اذا متريكه بالدوام بس اخذ ملابس التدريب واطلع
ساعتين هذا اذا تعبانه مااروح واذا لا يوميه اروح

طبعا الفترات الي ادخل بيها للبيت على الحاسبه راساً يكون اكلي وكولشي ..
افتح الماسنجر اشوف منو اكو منو ماكو
مرات العصريه ماكو شي اخذ ماما ونروح للسوك واذا ماكو واهس انام لحد ميصير العشا اتعشه
وارجع على النت مرات يكون عندي دراسه اكعد اقره ساعه ساعه ونص ايام الامتحانات اكثر شي تكون قرايتي

بليل اجي اشوف البنات كاعدين اسولف وياهم ومرات خالاتي يكونون كاعدين اسولف وياهم
تصير ساعه 10 اروح يم اهلي اشوف شنو يسون يتفرجون فلم برنامج اي شي اكعد وياهم وانام ساعه 12 ايام الدوام
ايام العطله انام ساعه 10 او 11 ليش مادري ض5

وهاي يوميه نفس الروتين ..


لي عوده قريبه لإختيار الضيف الجديد..

ღღآسيرة آلذكريات ღღ
03-02-2008, 04:26 PM
بــآك

يشرفني ادعو الاخ الديباج
ليحدثنا عن يومياته
واتمنى يقبل دعوتي ..

تحياتي..

بونا
03-03-2008, 12:34 AM
شلونكم شباب شلونكم بنات شلون صحتكم

طبعا اني اشكر اسيرة الذكريات على هاي الطركاعه
بسيطة اسورة اني اعلمج
ض39
ههههههههههههه

لتخافين اشاقه وياج


اي هسه تريدون تعرفون يوم من حياتي
مو مشكله راح احجيلكم بس هاااااااا
مو تنامون واني احجي لان راح اسويها
قصة عنتر رناااا


-----------------------

ااااااااااااااااااه طبعا دا اثاوب هاي اول ما كعدت من الصبح .. اخخخخخخخ
اي اول ما اكعد من الصبح طبعا بالدفرات ههه واخوتي يجيبولي مشيه
ومدري شنو وما اكعد وبعدها تصير تواثي وما اكعد وبعدها يجيبولي لوري يسحلوني بيه وهم مااااا اكعد
طبعا الي يكعدني يشبع دفرات وجلاليق خخخخ دوخرو لايجيكم جلاق هههه
وبالاخير يجي ابن خالتي يخلي جواريبه بخشمي يله اختنك واكعد
ههههههههههههههههههههههههههه
وبهاي الطريقه نجحوا اهلي يكعدوني وهاي كلها حتى اروح للدوام

والله يا الله
هههههههه

عسه ما ضجتو مو غده عسه
اخخخخخ

تره بعدكم مشفتو شي من قصتي اليوميه
والله لاأهريكم هري بالقصة مالتي

اي وهسه ارجع اكمللكم وره ما اكد من النوم شسوي
طبعا اطب اسبح واذا ماكو كهرباء انجب واغسل بمي بارد
ههههههههه
ووراها طبعا الوجبه الصباحيه امممممممم كيمر وعسل وجاي وصمون ومربه هذني اخبطهن يله
اترييك واذا هذني ماكو اكل تمن ومرك وخاصه هاي ايام عاشور الراحت كضيتها تمن وقيمة
اخخخخخخخخخ
وبعدها اصعد لغرفتي ابدل افتح باب الكنتور مالتي اضل صافن على الملابس احتار شلبس واباوع ساعه تقريبا اكول هذا
لا مو هذا هذا لا مو هذا وبالاخير يطلع الكنتور مبيه بس قميص وبنطلون حتى جواريب ماكو
والدور انزل جوه اخلي زيت مال اكل على شعري لان دهن الوجبه مخلص ههههههه
اخخخخخخخخخخخخخخخخخخ
طبعا بدلت وحطيت دهن لشعري وتذكرت الناسيهن وخليت اللابتوب على متني واخذت سويج السياره وطلعت للدوام
ومن اطلع من البيت واني امشي بالسيارة رايح للدوام هذا الحجي الساعه بالـ 8 الصبح و كل شوية يتلكاني واحد
.. ها شلونك وشخبارك ونص ساعه اسولف وي هذا وربع ساعه وي ذاك لن صارت الساعه بالعشره واني دوامي بالـ 9 ينشال سجل الحضور
هههه وهاي يوميه على هالمنوال اني اتاخر عن الدوام هههههه لا واليكتلك وضيفه ههههههه ويومية عقوبه وقطع راتب وهذا ومدري شنو
اوووووووو واذا اسولفلكم بالتفصيل تموتون من القهر هههههههع
--------------------------
وصلت للدوام طبيت ليجوه اريد اسجل حضور تلكاني المسؤول عن الحضور والغياب كتله اريد اوقع كال ماكو انشال سجل الحضور يم المدير
وانته عقوبه .. كتله ههههههههه روح كله خلي يزود العقوبة مالتي يومين هههه
المهم طبيت لغرفتي ارتاحييييييت اخ يايمة شنو هالدوخه ..
حطيت اللابتوب شغلتها وطبيت وكعدنا نصمم اني وصديقي هاني ومو بس صديقي هذا اخويه واعز من اخوية شغلتنه نكعد انصمم مواقع
وطبعا هاي مو وضيفتنا احنة وضيفتنا غير هههههههه يعني نكضي وقت بالدوام بس اكثر شي اني الاشتغل التصاميم طايحه براسي وهاني
يروح يكمش مكسر الصوت والصوره ويكرز حب وياكل جبس وعايفني وطبعا احنه نشتغل بتلفزيون فضائي بس اعذروني ما اكللكم يا تلفزيون
المهم ... المهم كملنه شغل وصارت الساعه بالاربعه العصر رحنه لشط الكوفه نكعد هناك يم جماعتنه نلعب بليارد ودومله ومنضدة ونشرب ناركيلة
معسل يعني حشيش هههههههه وبعدها يصير الليل نروح ناكل لفات كص او نروح ناكل دجاج بمطعم الروان المهم لما نشبع
وورا الاكل نديح بالشارع نفتر منخلي شارع منطبه وووووووو لحد منوصل للبيت وكلمن يروح لهله
طبيت للبيت وتعشيت طبعا اني يومية اليه 9 وجبات اكل هاي اذا ما اشتهي ههههههههه
ومن غير الكرزات والمنا ومنا
زين ...
ومن تصير الساعه بالـ 11 بليل اروح افتح نت وادخل على منتدى عيون العراق اروح اكتب مشاركات واضيف مواضيع وتعرفت على ناس
طيبين بيه كلش والله العظيم
واكتب موضوع لهذا واضيف رد لهذا واضحك وي هذا واسولف وي هذا واذا ... جان تجيني رساله خاصه
جان افتحها والكه ........ اسوره دازتلي رساله تكلي بيها
.
.
.
.
ممكن تحجيلي عن يوم بحياتك
ههههههههههههههه
واني هسه كتبتلكم قصة يوم بحياتي
واتمنى ان اكون مضوجتكم بهاي القصه
واني اشكر اسورتي على رسالتها الي دعتني بيها
ان اسولف لحبايبي هاي قصتي
وطبعا هاي قصه حقيقية
هههههههههههههه
شنو فلم هندي
وختاما
تحياتي للجميع

امير العاشقين العراقي
03-03-2008, 10:53 AM
ولك ادري قصة هاي لو طركاعه
هاي حجيت القصة لحد ساعه عشرة الصبح
اذا للعشرة بليل شتسوي اويلي ربي
ههههههههههههههههههههههههههههههه

SaDiM
03-03-2008, 05:31 PM
ههههههههههههههههههههههه

هاي شنو يا ديباج صدك فلم هندي هههههههههه

اكول شو كاتب ختاما لعد وين اسم العضو المدعو من قبلك ؟؟؟؟؟؟

بونا
03-03-2008, 11:44 PM
العفو يابه يا M!ss ƒℓ۵ωeя تريدون اسم ضيف جديد
بله خلي اشوف منووووووو
امممممممممممم

امممممممممممم

امممممممممممم

اهااااااااا
دلوعه عراقيه

اي اي دلوعه عراقيه

وينج يدلوعه وينج ... وويلج يسواد ليلج
ههههههههههههههه

يله تعالي يله

دلوعه عراقيه
03-04-2008, 02:00 PM
هلو

شلونكم ايفري بدي

بعد شلونكم

بس حرمات انلكفت من الديباج

هههه

يلا هسه احجيلكم يوم من حياتي

طبعا انام بليل واكعد الصبح ( يا سبحان الله شنو هاي الصدفه)

اكعد ويه الموبايل بسته ونص مو يدك اكوم اطفيه ويطلع الغفوه تعمل

اروح اطفي الغفوه وارجع اكمل نومه

يجي بابا يكعدني اني بس اكوم بس عيوني مغمضه

اروح اغسل وجهي مو مثل الديباج من الصبح يغسل

اخاف اموت من البرد

وبعدين ابدل وبعدين فد ربع ساعه بس اسوي موديل ما الشعر

وصلنا سبعه الا ثلث

ما اتريك لان ما اشتهي

سوده عليه

وبعدين اكعد اشغل تلفزيون ع اكشن من الصبح

الما تجي عليه صديقتي اكوم اركض

هههه

ونروح انلم كل بنات المنطقه

ونروح والمدرسه اول ما تشوف البنات

يحجون ع شصار بستار اكادمي البارحه

وبعدين اخر درس انكليزي دائما اني عيوني منتهيه

بس اريد اطلع

و اول ما ارجع البيت اسلم ع الكل واغسل واصعد

وهي الصعد من 1 لل 4 نايمه

بعدين اول ما اكوم اكعد اقرا حتى للسبعه اني مخلصه

للسبع اخلص وتبدي باب الحاره اعوف كل شيء واكعد عليها

مو ع باب الحاره اكعد

اكعد ع الكرسي

وبعدين بثمانيه اكوم اباوع غير مسلسل

وبعدين اباوع حيلهم بينهم

وبالتسعه اكعد ع النت

واسولف وانزل مواضيع مال فوتو

وبعدين بالـ11 اكوم اصعد انام وتبدي قصتي ويه اخويه عموري

ع الوحش الي يخرعه يوميه

وتبدي بالـ11 تخلص لو بالـ 12 او بال1

وبعدين انام واكعد بالصدفه الصبح

ها شلونه قصتي

تصلح فلم هندي


ومره ثانيه اشكر ديباج الي ورطني قصدي الي خلاني احجي

ههههههه

يلا باي

بونا
03-04-2008, 03:14 PM
هههههههههه
دلوعه هسه يله ارتاحيت من قفصت عليج
ههههههههههههه

اي ادري هسه انتي شورطج كلتيلي صوتلي
ههههههههههه

المهم خيرها بغيرها
ههههع

SaDiM
03-04-2008, 03:29 PM
مرسي على مشاركتكم الجميله

/
دلوعه عيوني منتظرين منج اسم العضو القادم

دلوعه عراقيه
03-04-2008, 03:45 PM
هسه قصدج العضو الي اورطه

هههه

زين

انشاء نستضيف ويانه

جرح الفراق

اذا قبلت

Ŗαρυηzєł
03-04-2008, 08:00 PM
احم احم ض46
اولا : السلام عليكم

,
ثانيا : شكرا حبيبتي دلوعه على هالورطه الحلوه ض39

,
ثالثا : يومي كما هوه

اذا جان دوامي صبحي رح اسمع الموبايل يدك ويرجع ليوره ساعه 6:30
واكعد اكمكش الى ان الكاه شو وين صفه بيه الدهر واطفيه وارجع انام
ما اشوف الا الساعه صارت 7:15واكوم اركض اغسل واصلي وابدل واروح للدوام
اما اذا جان ظهري فا اكعد ساعه 9 ما خذه راحتي
المهم اروح للدوام وين وعلى ثالث درس دماغي يكوم يسحب خارجي
المهم ارجع ساعه بال 12:30 اذا صباحي واذا ظهري 4:30
عاد ارجع جوعانه اصلي واتغده وانام اذا عندي امتحان
واذا ماعندي افتح النت وادخل للمنتدى
لو اكعد اسولف ويه اخويه على المسن
وياذن اكوم اصلي وارجع للنت
ووووووين ويجي اخويه يريد الحاسبه واكوم اروح العب ويه ولد اخويه
واسولف ويه ماما
وبعدين اضوج اروح للغرفه اكثر مكان ارتاح بيه
اذا عندي دوام صبحي رح اكعد اقره
واذا ظهري رح اجل القرايه على الصبح
مرات افتح راديوا
وووين واتذكر صلاة العشا اصلي
تصير الساعه 12 ليلا يطفي ابو المولد
احظر هدومي مال ثان يوم ( اخذلي صفنه فد نص ساعه )
وادخل للفراش
فد ربع ساعه واروح بسابع نومه
,
رابعا : لي عوده لاختار العضو الجديد

شكرا سدوم على الموضوع الرائع
تحياتي
,

SaDiM
03-04-2008, 08:55 PM
شكرا سدوم على الموضوع الرائع
تحياتي

,



العفو حياتي جراحو
و
نورتي الموضوع يا وردة

ض101

دلوعه عراقيه
03-04-2008, 09:56 PM
ههههههههههههههههههههههههه

تستاهلين جروحه

ههههههه

وبالمناسبه

شكرا سدوم ع الموضوع الحلو

SaDiM
03-04-2008, 10:02 PM
وبالمناسبه


شكرا سدوم ع الموضوع الحلو




العفو حبيبتي دلو
منوره عزيزتي

ض101

Ŗαρυηzєł
03-04-2008, 11:04 PM
ولج حبيبتي سدوم اشو انتي خليتي الموضوع ومجاوبتي
يله تعالي كوليلي شلون تكظين يومج
,
,

دلوعه عراقيه
03-04-2008, 11:16 PM
عفيه بيج جروحه خوش لزمه

ههههه يلا سدوم شلونه يومج

SaDiM
03-05-2008, 08:53 PM
ولكم منو سديم ما عدنه هيجي اسم

المسكينه اتوفيت

الفاتحه هههههههههه

Ŗαρυηzєł
03-05-2008, 10:42 PM
لااااااااااااااااااااااااا ماتت محد كلي ض40
ايييييه خلصنه منها ههههههههههههه
,
بما انو الوتيحه سدوم تعبانه ومابيها حيل تجاوب
ختيه مو تشتغل من الصبح لليل
ومتلحك على جهالها شكد وصخين ياربي ض5
,
يسعدني ادعو حبيبة قلبي وعنوني وحياتي ض48 ( على عناد سدوم )
ههههههه
حنين انثى
يله حنون تعاي احجيلنه شلونه يومج
,

{..حنـٌٍينًِ آنثـٌىآًٍ..}
03-06-2008, 03:25 PM
السلام عليكم ورحمة الله وبركاته

طبعاً أفز على منبه الموبايل المزعج ساعة6:00 بس ظل نايمه لحد ساعه 6ونص الصبح اكون بعدني نعسانة http://www.cheesebuerger.de/images/midi/muede/b010.gif..
أغسل وجهي واصلىhttp://www.shroogy.com/vb/images/smilies/sh203.gifhttp://www.shroogy.com/vb/images/smilies/sh203.gif أغير ملابسي تستغرق من وقتي لحد الساعه
(7:15 )


عل ساعه 7:17أنزل جـوه انتظر باص المدرسه يجي عل ساعه 7:30 ولحد لم يجي اظل صافنهhttp://www.shroogy.com/vb/images/smilies/sh%20(30).gifhttp://www.shroogy.com/vb/images/smilies/sh%20(30).gif
بعدين اركب باص واظل اسولف منا لم نوصل عل ساعه8للمدرسه طبعا ادخل
للمدرسه ودوام بداhttp://www.shroogy.com/vb/images/smilies/sh%20(9).gifhttp://www.shroogy.com/vb/images/smilies/sh%20(9).gif
عادي تبلش الحصص لحد ساعه 11تبدي فرصه اروح ويا صديقاتي اكيداشتري لان اكون تلش جوعانهhttp://www.shroogy.com/vb/images/smilies/sh%20(40).gifhttp://www.shroogy.com/vb/images/smilies/sh%20(40).gif لحد ساعه11:13 وتخلص الفرصه
وتبدي هم حصص بعدين عل ساعه1:13اخلص من دوام
بعدين ارجع للبيت اوصل ساعه1:46 بس شنو حيلي كله مهدود http://www.cheesebuerger.de/images/midi/muede/f029.gif
اول ماارجع افتح نت افوش شتو ماتوبل منتدي اسد نت الروح اكل
بعدين اروح انام من ساعه 3لحد ساعه 4:30فوشوا اني شكد ختيه
ههههههhttp://www.shroogy.com/vb/images/smilies/sh%20(32).gifhttp://www.shroogy.com/vb/images/smilies/sh%20(32).gif
بعدين اكعد ادرس وحاقدة على الكتب ومالي خلگ افتح كتاب
http://www.shroogy.com/vb/images/smilies/sh%20(34).gifhttp://www.shroogy.com/vb/images/smilies/sh%20(34).gif
وطبعا المنتدي بهذا الوكت مفتوح
ههههههههhttp://www.shroogy.com/vb/images/smilies/sh%20(9).gifhttp://www.shroogy.com/vb/images/smilies/sh%20(9).gif
طبعاكل شويه الروح للثلاجه افوش شنو اتو شي طيب اكله
http://www.shroogy.com/vb/images/smilies/sh%20(38).gifhttp://www.shroogy.com/vb/images/smilies/sh%20(38).gif
بعدين اتصل بصديقاتي افوش شتو عدهمhttp://www.shroogy.com/vb/images/smilies/sh%20(30).gifhttp://www.shroogy.com/vb/images/smilies/sh%20(30).gif
تقريباساعه8او9بليل افتح نت واظل اسولف شويه عل ياهو
وافوش منو اوف لاين
هههههههه
http://www.shroogy.com/vb/images/smilies/sh%20(38).gifhttp://www.shroogy.com/vb/images/smilies/sh%20(38).gif
وبنفس الوكتفاتحة صفحة المنتدى اذا اكو مواضيع بقسم الابراج أرد عليها واذا ماكو
أضل أتصفح بالمنتدى منا لمن أضوج وأسده ...
http://www.shroogy.com/vb/images/smilies/sh%20(18).gif
تقريبا ساعه 11 اسد نت اروح اتعشه افوش شتو ماتو بعد
بعدين اصير عل ساعه12بليل مرات انازل الابراج ومرات اخليهم صبح لم اروح للمدرسه
بعدين أروح أفرش أسناني , فوشهم شكد حلوين ههههههhttp://www.shroogy.com/vb/images/smilies/sh%20(40).gif
عل 12 ونص انام
وخلصنا
هههههه
http://www.shroogy.com/vb/images/smilies/sh%20(9).gifhttp://www.shroogy.com/vb/images/smilies/sh%20(9).gif

تسلمين قلبوشه سديم عل موضوع المتميز الي يخلى اعضاء يتعرفون عل يوميات بعضهم
من خلال هذا موضوع

و

شكرا الي انسه صغيره جراح
الفراق



الي باك؛؛حتى أختارعضو يحجيلنه عن يومه شلون يخلصه

http://www.shroogy.com/vb/images/smilies/sh%20(18).gifhttp://www.shroogy.com/vb/images/smilies/sh%20(18).gif

{..حنـٌٍينًِ آنثـٌىآًٍ..}
03-07-2008, 09:34 AM
يسعدني أدعو الغاليه بـزونــة جوعيــة
كيف تتطلعنا على جانب من حياتها اليومية...

بزونة جوعية
03-07-2008, 09:21 PM
اجيييييييييييييت

من عيوني الاثنين حنون

بسم الرب نبدأ

اجتي امي خطية هالمسكينة (كومي ساعة ستة) وخطية تحتار شتسوي اول شي تدلعني بوس وحضن وحبيبتي بس وراها تشوف ميفيد الدلال تسحب البطانية و تطفي الهيتر يعني اجباري اكوم من البرد يكتلني ههههههههه

المهم كعدت نزلت من الدرج وهمزين مافد يوم اذب جفت منه لانه اكون مغمضة ورجلية تمشيني ومرات امي خطية وراية تلزمني ههههههه الله يساعدها

ادخل اخذ شاور صيف شته لازم من الصبح هذا الواجب حتى افتح عيوني

كبل للغرفةاسوي شعري ومكياج مااخلي اصلا بس كحلة يعني مااطول كدام المراية وراها اكون محضرة ملابسي بليل حتى ماادوخ ومع هذا اظل انبش الملابس كلها وانثرها بالغرفة وورة هذا كله ارجع للي اختاريته بليل هههههههههه

قبل ماانزل اصلي صلاة الصبح وهاي اهم شيء عندي واذا مااصلي مااطلع ابدا من غرفتي واتوجه لشغلي

المهم صارت بالسبعة ونص وخمسة انزل ركض ليجوة اشوف امي محضرتلي الريوك لو اكل لو مااكل لانه مااشتهي الصبح وخطية تكون محضرتلي اللفة للشغل والفواكهة والنستلة والجبس (تكول رايحة للروضة ) اعبي العلاكة ههههههههه واشيل الجنطة والعلاكة مال الاكل والاوراق المهمة مال الشغل والسيديات واللي طول عمري انسى شي منها بالبيت

اجى السايق وصعدت ووياية بنت السليمانية اللي تنام على قلبي بالخط لانه ماكو مكان ويمنا يكعد ولد يعني 3 فلازم تنام على كتفي تكول طفلة ومحتاجة لحنان هههههه

وصلنا للوزارة دخلنا دنسجل حضور بالبصمة مال الاصبع لانه اطورنا بعد ماكو دفتر حضور وانما اكو الجهاز الالي وراها ننتظر المصعد ونروح لطابقنا هي تروح لمكتبها واني لمكتبي
ادخل للمكتب وياية 3 ولد حبابين جدا واني البنية الوحيدة وياهم ونبدي نحجي بأمور الدنيا شوية
وراها نبدي الشغل ومنكعد ولا لحظة طبعا كله شغل على الحاسبة لو للقسم لو للمدير العام لو لعمنا الكبير وبهاي الاثناء اكون فاتحة المنتدى ويا شغلي واشتغل شوية وافتر بالمنتدى شوية ومرات يكون عدنا دورات واجتماعات حسب الوضع
وراها بل12 او وحدة ناكل العمعم اللي جايبه بالكافتريا او نشتري مناك او مرات ماانزل حسب التساهيل
وهكذا نستمر بالعمل الا ان تصير بال 3 الا ربع تجي صديقتي وتكول يمعودة اتأخرنا اطفي كلشي وافلت وياها ونرجع للبيت بال3 وثلث تقريبا

اول مااوصل هم للحمام هههههههههه وهم اسبح (بيا وسواس النظافة شسوي ههههههههه) وراها اطلع جوعية كلش للاكل اشوف امي محضرة خطية الاكل الي وتنتظر ناكل عمعم وراها افلت انام اذا ماكو خطار طبعا لانه بيتنا ميخله من الخطاطير
ورة مااكعد اشتغل بالبيت تنظيفات وهالسوالف وراها اقرأ شوية وطبعا تلفزيون قليل كلش اشوفة بالصدف يعني
بعدين اكابل الحاسبة هم بالبيت واشتغل او اتعلم فد شي معين خاص بالبرامج وهم افتر بالمنتدى وافتح الياهو اسولف ويا الربع والغاليين
وراها انزل اشوف امي كاعدة دتصلي واكولها تصبحين على خير وابوسها وادلع عليها شوية واصعد

قبل ماانام اصلي طبعا وماعندي وقت محدد انام بي حسب نعوستي يا وقت تجي ....... وتصبحون على خييييييييير

وهاي هي قصتي اليومية بس مرات تختلف شوية من يوم ليوم مرات اطلع مرات اروح دورات خارج الوزارة ومرات اسافر خارج العراق او ازور محافظة احيانا والخ من الامور

وكاااااااافي ترة حنتحر هههههههه هاي هيه

وان شاء الله ارجع اخلي اسم عضو

بزونة جوعية
03-08-2008, 01:18 AM
الاخ علاوي ابن جبار ابن آل الشمخاوي انت مدعوا لكي تتحجى عن يوم بحياتك

تعال ركض يلة ولتتأخر

♦•ALi JaBbAr•♦
03-08-2008, 11:48 AM
بسم الله الرحمن الرحيم ..

السلام عليكم .. بالبداية نشكر الاخت بونة جوعية على الدعوة .. شلون ورطة شكول عليج ههههههه

اليوم راح احجيلكم عن حياتي من 89 الى 2007 هههههه .. يلا نبدي يوم عن حياتي على بركة الله :

عندما يبدأ الديك بالصياح ( يعوعي ) اكمز من الفراش واروح اغسل وجهي . واشرب كوب خل هع هع

علما اصحصح وبعدين اصلي وره ما اكمل الصلاة اخذلي ساعة تمرين رياضة ولدي صيروا نشطين مثلي

وبعدي اتريك وطول ما اني اتريك اباع على الساعة لان الدوام راح يبدي واني بعدني اتريك ههههههه اخلص

ريوك واروح ابدل وااروح للمرايا واخلي طين خاوة لشعري ههههههههههه .. قبل لا اطلع اكل لماما صباح الخير واكل لبابا صباح الخير واشرب كوب حليب هع هع هع

وبعدين اطلع من البيت لا استغفر الله اني اطلع من الباب بالظبط يلا ماكو فرق .. اوصل للمدرسة الكه الطلاب منعسه وناس تقره عدهة امتحان اني ادخل مبتسم ههههههه وبعدين يبدي الضيم وبدت المحاضرة الاولى

واجه الاستاذ عيونه مطفيه كوة يحجي وبده يصفط حجي .. ابن لاتحجي انتبهلي هاي اني لان احشش وجماعتي

خلصت المحاضرة الاولى وبدت الثانية و...... للسادسة .. واحنه صايرين كنتاكي لحم من التعب .. نطلع من المدرسة .. نرجع للبيت اني بالنسبة اليه المدرسة ريبه عن البيت يعني 5 منت ..

اجي للبيت اول ما ادخل اصيح شنو غدانه ..؟؟ وين الغده ..؟؟ يمته يستوي ..؟؟ هع هع هع

هذا الحجي بعدني ما مغير ملابسي هههههههههه اروح للحاسبة اشغلهة افتح الياهو اشوف منو تاركلي اوف لاين

بلكت مناه مناه ادخل على منتدى العيون ابقى ساعة تقريبا الساعة يمكن 1:30 .. تريد غدة ..؟؟ اني الجواب اكيد : لالالالالالالالالا .. هسه هسه اجي .. ويستمر هذا الحجي وما اشوف الا الساعة 2:30 واني ما متغدي وتعبان .. اروح اتغدة واكعد اجيب جماعتي يم ( كتبي ) اقره ساعة لو ساعة ونص .. صارت 4:30 .. اروح اغسل وارتاح شوية وابدل ملابسي واطلع وي اصدقائي ارجع للنت وعلى العيون لل6 لوراهة اطلع اروح لجماعتي فد لل 10:00 وارجع للبيت ااقره اتعشة واكمل اروح اشغل التلفزيون ادور اكو لعبة لولا ههههههه اذا طلعت لعبة .. اضرب عصفورين بحجر هم اشوف اللعبة وهم اقره يعني كتابي يمي من تطلع الطوبة اوت اقره هههههههههههههه .. واذا ماعندي دراسة واخلي التلفزيون گبالي واكعد يم حبيبتي الحاسبة هههههههههه

واسهر ل12 او لل1 .. وبعدين عاشو عيشه سعيده اروح انطمر

يلا ابن قاسم نحن بانتظارك حتى تتحدث عن مسيرتك الكروية الانجحة مع نادي هيلا هوب هههههه ياسر السلطاني هسه يجيكم

ياسر السلطاني
03-08-2008, 04:06 PM
يلا ابن قاسم نحن بانتظارك حتى تتحدث عن مسيرتك الكروية الانجحة مع نادي هيلا هوب هههههه ياسر السلطاني هسه يجيكمهع هع هع
شكول عليك يا ابن عمي
والله دتفشلني هل ايام صاير هباب على كولة مدري شسمة
هع هع هع

*****************
اما عن نفسي فهية كما قال الشاعر العربي الهندي الكبير
اميتاب الجواهري
حياتي بدونك عذاب
هع هع هع
يومي يبدي من الساعة ال 5 ونص من يرن منبه الموبايل على انغام هادئة وموسيقى رائعة
(بطة وراكبة ابطةردح)
اكوم بسرعة اتوضى حتى اصلي الصبح بعدها اشرب كوب من القهوة ومرات كوبين
والله كل هذا ومااصحصح
بعدين اتهندم واترتب لان ماشاء الله كليتنا ابد مابيهة بنات
ولازم واحد ميرتب بروحةهع هع هع
بعدين يجون جماعتي..
كما ياتي فارس الاحلام لياخذ بحبيته على الفرس الابيض ذو الشعر البني البنزركي..
يوكفون بالباب
كلهة تصيح
ياسر ياسر
ادري عشيرة تنزل هوة بس واحد
بس شسوي بيهم
اولا يحبوني
وثانيا ميريدون يتاخرون
بس هوة اهم شي اولا
هيج السبب الثاني مو مهم
هع هع هع
بعدين نروح وبالسيارة
ما شاء الله بدون حسد..
فقرة كلش كاعدين وساكتين (ابد ما ملطلطين ومانهوس)
نوصل للكلية المنصورية الجامعية ويبدي الدوام
ما شاء الله كل الايام فول محاضرات
نرجع للبيت مدبكين..
اسبح واصلي ومرات اتغدة..
وبعدين اجي للنت احجي وية الحبايب..
لحد ساعة 7 اكوم اصلي ولو اروح اقرة وراها..
لو اطلع برة يم جماعتي بالمنطقة نحشش يم ابو حازم..
بعدين فد بال9 اكثر اقل حسب الظروف الهستاتيكية..
ارجع للنت اجرش سوالف..
ول12 تطفة الكهرباء وارجع انام..
مرات احلم ومرات مااحلم..
واذا حلمت مرات اسود وابيض ومرات ملون..
واذا ملون مرات حلو ومرات ماحلو..
واذا حلو مرات اتذكرة ومرات لا...
هع هع هع
*************
مشكورة سلومة عالموضوع الحلو كلش
لي عودة حتى مااختار واحد وراية
خلوني اخير واحدهع هع هع

ياسر السلطاني
03-08-2008, 05:22 PM
يسعدني أدعو الغاليه وينكر بت انجل
كي تتطلعنا على مسار حياتها اليومية
وتسوي فضل اذا مااجت
حتى ابقى الاخير
ههههههههههههههههههه

winger angel
03-08-2008, 08:19 PM
http://3arabstar.info/up/up/1ec35edbe0.gif




تحيه ملئها عطر الياسمين
لصاحبه الموضوع الغاليه
http://3arabstar.info/up/up/cdbde57099.gif سديم http://3arabstar.info/up/up/cdbde57099.gif

ولصاحب الدعوه الغالي
http://3arabstar.info/up/up/cdbde57099.gif ياسر السلطاني http://3arabstar.info/up/up/cdbde57099.gif





http://3arabstar.info/up/up/69db90fe38.gif






بسم الله

ابدأ يومي اصحو على صوت المبايل الي ابد مو مزعج
بــ 5:30 اسد المبايل واكول هسه اكوم وارجع انام للسته كل يوم نفس الحاله
اكوم ركض اغسل واصلي
ريوك مالحك اتريك بس على كد النسكافه وهم مرات مالحك اشربهه
على السريع ابدل لان اذا اتأخر ابو الخط يرزلني ض40
اطلع بــ 7:00 الكاه دا ينتضر وعصبي هههههههه

نوصل للكليه تقريبا بــ 7:30
ونضل للتسعه يلا تبدي المحاضرات وللوحده ماكو ريست بيناتهن ض50
اضل ربع ساعه ويا صديقاتي وراها اطلع انتظر ابو الخط .


اوصل للبيت بــ 2:10 هاي اذا الطرق مو مزدحمه
اذا مزدحمه اني والتلاثه
ارجع اخذ شاور واصلي وننتظر الوالد الله يحفظه حتى نتغده سوه

وراها انام للخمسه او مرات للسته
اكعد شويه ويا الاهل
اذا عندي امتحان اقرا فد ساعه ونص .

بعدها اساعد الولده بتحضير العشا

لحد متصير ساعه بــ تسعه
اجي على النت للــ 12
يطفيهه ابو المولد
ارح انام

وهاي نفس الروتين كل يوم


لي باك في اخيار العضو




http://3arabstar.info/up/up/e81c8fdf20.gif

winger angel
03-09-2008, 03:53 PM
ادعو المتألقه صاحبه الحضور النير


http://3arabstar.info/up/up/695a6fee92.gif جراح العراق http://3arabstar.info/up/up/695a6fee92.gif


لتطلعنا على جانب من حياتها
هيا يا جراح هلمي الينا




http://3arabstar.info/up/up/638c873bde.gif

جراح العراق
03-10-2008, 04:25 AM
السلام عليكم ورحمة الله وبركاته ..

تحية عطرة لكل هذه القلوب .. أسعد الله أوقاتكم بكل خير أحبتي
وتحية ود وتقدير وأعتزاز الى صاحبة الموضوع الجميل المتألقة العزيزة (سديم )
وتحية طيبه ومحبة واحترام الى صاحبة الدعوة الرقيقة الغالية (winger angel)
لي الشرف قبول الدعوة ومشاركتكم في هذا الطرح الرائع ...نبدأ على بركة الله ..ض51
طبعا ايامي دائما ماكو يوم يشبه يوم لازم يكون اكو اختلاف ولو بسيط اسولفلكم على يومي حاليا وآني كاعده بالبيت وماكو دوام لان أجلت الدوام من فترة كلش طويلة لاسباب صحية .. المهم اكعد الصبح حسب يعني على راحتي بس آني أحب أكعد على وكت مااحب انام اهواي مرات اكعد 7الصبح اغسل واصلي وافتح صفحة المنتدى اشوف شكو ماكو مرات افتح ماسنجر مرات لا ..حسب المزاج والوضعية ..
ابقى تقريبا ساعتين كاعده بعدين ارجع انام فد ساعة واكعد ب10 الصبح طبعا صفحة المنتدى دائما اخليها مفتوحة ض46المهم انظف الشقة واغسل اماعين ض100واصفن فد 3ساعات افكر شنو اسوي غده ض40بعدين اطبخ الغده هذا الحجي كله آني مامتريكة هع هع هع لان ب4العصر يلاا اشتهي آكل ض46بعدين تشتغل رحمة الله وتشتغل التلفونات اني وصديقتي اليمي نبقى انجرها سوالف مناه لمن يرجعون الحكومات (حكومتي وحكومتها هههههه) من الشغل بعدين تجي الحكومة تنطيني موجز الانباء بالتفصيل شكو ماكو منو شافت اشسوت اليوم ماسوت اشلون جان الشغل وآني نفس الشي انطيها الموجز ض51 بعدين تشتغل الاوامر من الحكومة الموقرة ض101 غده وجاي وماشابه وجيبي وودي وكومي ولاتكعدين ض40ض40بعدين اتصير صلاة العشاء انصلي ونبدل ونطلع انروح نشرب كهوة ومناك انروح انشوفنه درب انروح للمول لو للمحلات نفتر مناه لمن اتعزل ب9 بالليل .. نرجع للبيت

قصدي نرجع للتلفون ودك فج وية صديقتي واروح اجيب ابنها يمي عمره سنة ونص اضحك عليه اشوية ض46يبقى فد ساعتين يمي واضوجه وارجعه الها .. بعدين نكعد اشوية انباوع تلفزيون آني والحكومة .. ونسولفنه سالفة طبعا كل السوالف عالعراق واشوكت نرجع للعراق ض40المهم بعدين اجي افتر اشوية بالمنتدى اشوف شكو ماكو تقريبا بعد 12 بالليل انام .. وهكذا هذا روتيني الممل واذا ويكند تختلف اشوية الشغلة مثلا انخلصه كله برة نطلع نتغده ونفتر للليل يلاا نرجع .. ومرات انسافر الغير مدينة انروح انزور اصدقاءنه .. واذا اكو دوام تختلف الشغلة ويختلف النظام كله .. بس الحمد لله حاليا ماكو دوام ومرتاحة ض46 اممممممممم بعد شنو هاي هية خلصت اطلابة خوب مو اطلابة ض34 وتستمر الحياة ض51
/
\
/

يسرني أن أدعو من بعدي الاخ العزيز ()جوكر انوف () فليتفضل مشكورا لقبوله الدعوة ....

خالص تحياتي وتقديري لكم جميعا

جوكر انوف
03-12-2008, 02:25 AM
سلام من الله عليكم

اولا عاشت الايادي ع الموضوع الرائع عيني (مس فلوَر)

ثانيا شكرا ع الدعوة خيتوووو (جراح)




عيني اكعد على صوت الموبايل واغنية (بعدك على بالي) طبعا ساعة 06:30 ص

اظل اتكلب بالفراش لحد متصير الساعة 07:00 ذيج الساعة اكوم اغسل

طبعا الكة البيت هدوء مطبق لان الكل نايم ما عدا اخوية الاكبر مني يروح للدوام للحلة

المهم ورة ما اغسل اطلع الحليب من الثلاجة واحمي على نار لان الريوك مالتي الصبح بس حليب

بعدها ابدل وكشخ والزك شعري بالجل وهذا كلة بـ 4/3 الساعة يعني هسه الساعة 07:45 ص

يجي علية رفيقي بالعمل (يطكني بترميشة ) اطلعلة ونروح للشارع العام حتى نصعد بالكية (هنا تسكب العبرات)

حرام مو صاعدين بالكية عبالك فلم الرسالة

المهم نوصل للمجلة "مكان عملي" ساعة 08:30 ص

استلم الحاسبة مالتي ونشوف الشغل اما "مقال" انضدة او "تصميم" ابدع بي او كاعدين نسولف ونضحك

ها ويتخللها وقت الريوك الحقيق الية (اوصي ابو الخدمات يجيبلي كباب )

ينتهي عملي بالمجلة ساعة 02:00 م ارجع للبيت اتغدى و اخذ قيلولة حتى ساعة 03:30 م

بعدها اطلع للمكتب "تجهيز وصيانة الكومبيوتر" تجيني حاسبة عاطلة اصلحها وبيع وشراء ودوخة راس لحد الساعة 08:30 م

ارجع للبيت اصلي واتعشى بعد ذلك اعتكف بالغرفة اما اكابل النت او الستلايت

وهذي كدامكم اظل كاعد للـ 02:30 ص


هذه هي حياة جوكر الخشومي




لي عودة لاختيار ضيف جديد

:
:

جوكر

SaDiM
03-12-2008, 09:43 PM
اسعدني تواجدكم و مشاركاتكم الجميله

ارق تحياتي لكم

سديـــم

جوكر انوف
03-12-2008, 09:44 PM
اقدم دعوتي اختي العزيزة

ومتالقة الصور

عاشقة البلد


فالتتفضل مشكورة

:
:

جوكر

عاشقة البلد
03-13-2008, 04:46 PM
مساكم الله بالخير ..


بالبداية شكرا للمتالقة ( M!ss ƒℓ۵ωeя) على الموضوع الرائع ..


،،


وشكري الجزيل لاخي الغالي جوكر على الدعوة الحلوة ..


،،


ابدي اسولفلكم على يومي بالتفصيل الممل ..


بسم الله ..


،،


اكعد الصبح بالخمسة .. وطبعا اختي تكعدني ..لان المنبه اطفيه مرات وارجع انام .. ض51


واروح اغسل وجهي واتوضا واصلي الفجر .. وبعدين اغير ملابسي واسوي شعري ..


وانزل اشوف بابا وماما ..اصبح عليهم واسولف وياهم شوية .. واروح للمطبخ وطبعا الريوك حاضر ..ض46


اشرب جاي واكل شي خفيف .. قطعة كيك مثلا .. وبعدين اركب السيارة حتى اروح للمدرسة ..


واضل من الساعة 7 يبدي الدوام للساعة 2 الظهر .. ارجع للبيت .. طبعا ميتة تعب .. اروح اتغسل ..


واصلي الظهر واتغدا .. ومرات انام ورا ا الغده نص ساعة .. واكوم عاد ابدي قراية ..


بس قبل ما ابدي اقرا .. اخذ ال mp3 واسمع موسيقى هادئة .. حتى استعد نفسيا اذا عندي قراية كومة ..ض40


واضل اقرا الى ان اخلص كل شي .. يعني يا المغرب يا باليل اكون مخلصة ..


ووراها عاد اشوف اذا احد من اهلي يطلع للمول مثلا ..للستي ..للبحر .. اروح وياه اكيد ..http://www.iraqeyes.com/vb/images/icons/icon10.gif


وبعدين ادخل عالنت شوية .. واكوم اتعشه .. واشوف شوية تلفزيون ..


ومن تصير الساعة 11 ونص اروح انام .. (ونوم العوافي عليهhttp://www.iraqeyes.com/vb/images/icons/icon10.gif )


،،


تم بحمد الله ..


،،

ولي عودة لاختيار العضوو الجديد ..

IxI HaShOoM IxI
03-14-2008, 03:24 PM
بأنـتظــار العضــو القادمـ

عاشقة البلد
03-14-2008, 11:24 PM
اسفة عالتاخير ..
بس بعد موصلني الرد ..
تحياتي ..

IxI HaShOoM IxI
03-17-2008, 12:32 PM
أرجـــوا تغيير العضــو لـتأخره عن القــدومـ ,,,

SaDiM
03-19-2008, 04:21 PM
لعدم تفاعل العضو المدعو من قبل عاشقة البلد

يسعدني ان ادعوا

مشرفنه المتألق

^^ اوس البياتي ^^


فليتفضيل مسحوبا من ياخته ههههههههه

IxI HaShOoM IxI
03-19-2008, 04:34 PM
المحـــقق أوس البيــاتي بأنتظار القدوم

awsalbayaty
03-19-2008, 04:58 PM
السلام عليكم
احم احم
اي تفضلت مسحوبا من ياختي هههههههه



بالبداية اشكر ام سليم على دعوتها الي الى هنا
ض101



اني اول ما اكعد الصبح اباوع ابيش الساعة وبيش ما كانت اكول بعد وكت وارجع انام فد نص ساعة بعد طبعا محد يكعدني لان اتعارك ولغيت فقرة التوقيت مال موبايل لان بدون فائدة المهم ما اريد اقصرها عليكم
اول ما اكعد اغسل وابدل هدومي واروح للمحل مالتي طبعا اني عندي محل مال مواد انشائية لتصليح وجوه البنات (( كوزماتكس))
افتح المحل فد بالتسعة ونص واظل مكابل النت لان عندي شغل بي هم ومن تصير بال 12 اذكر انه اني ممتريك فاتمشى للمحلات اجيب شكو شغلة غريبة بس تكون اكلات جاهزة المهم اتغدة واظل اصفط بالمواد كل شوية اغير مكانهم ومن تصير بالسبعة اعزل واروح للبيت هم اكابل النت
اما بالايام اللي يصير بيها شغل اطلع من الصبح اروح لباب الشرجي اكمل شغلي بعدين اطلع للشورجة اشوف شنو اكو مواد جديدة واتسوق وارجع للمحل




ادعو بعدي سديم لتتحجى عن حياتها بس بايام العطل

SaDiM
03-19-2008, 05:26 PM
السلام عليكم

احم احم
اي تفضلت مسحوبا من ياختي هههههههه



بالبداية اشكر ام سليم على دعوتها الي الى هنا
ض101









ادعو بعدي سديم لتتحجى عن حياتها بس بايام العطل



ههههههههههههه العفو عيوني ابو فلاح هههههه

/

يله سديم وينج ننتظرج بفارق الصبر ههههههه
( عابتلك ابو فلاح على هاي الورطة هههههه)

ض101

awsalbayaty
03-19-2008, 05:33 PM
انتي سديم كتبي يلة مو تغلسين ترة موصلتني منك رسالة تكولين بيها راح اشرد هههههههههههههه

SaDiM
03-19-2008, 05:57 PM
هههههههههههههههههههههه عزه
هع هع هع

هاي منو كتبلك هيجي رساله , شكد عيب

ض100
يله ابو فلاح منريد فضيحه خلينه نتفاهم بلبدايه

ض34

/

اعزائي الكرام بعد فاصل اعلاني قصير نعود اليكم

ض39ض39

SaDiM
03-21-2008, 08:14 PM
هوب هوب اجيت

احم احم

الو الو

ها شلون الصوت ههههههه


اشكرك اوس الورده على دعوتك
يسلمووووووو

http://www.alfrasha.com/up/774888834148568848.gif

المهم وين جنه ؟؟؟؟

اي اذكرت ,
بلنسبة الية اني اكول لـ اخويه يكعدني ساعة 7 صبح
ويكعدني وماكوم و يكعدني و مااكو الى ان يجيب اكلاص ماي بارد او يعيط باذاني يله اصحصح
مو كل الايام هيجي لا
مرات كل العائله تسوي عمل شعبي ضدي يلا اكوم هههههه
هذا الحجي كله ياخذ نص ساعه او خمسه و اربعين دقيقه على الاقل
بين ما ساعه تصير ثمانيه اله ربع و سياره تجي ورايه ساعه ثمانيه
و اهنا يبدي فلم الهندي و خلوهه سكته هههههههههه

اوصل للمدرسه ساعه تسعه الى ربع
و اشوف الاستاذ سابقني ويباوع على ساعته
ض50

نكعد بصف الى ان ساعه تصير بـ 12 و يصير وكت الاكل
ردح
بعد ما كملنه وخلصنه اني و جماعتي ناخذنه فره بساحه
مجموعتنى عبارة عن مشغاغبين عينك لا تشوف هع هع هع اخر مرة انفصلت قبل اسبوعين لان
غشينه بلامتحان نص السنة و كل الخطط جانت مني و الورقة الامتحان مالتي جانت يم صديقتي
المهم اترزلنه و شبعنه ضحك هههههههه

ض55

بعد ما كملنه الفره حصه ثانيه تبدي ساعه وحده اله ربع ودائما عدنه قواعد , و المدرسه متخبله من ورانه لان نصنف عليها ومتعودين ع الطرد مو وحدي طبعا اني وجماعتي
اخر مرة سوينه بيهه دكه و خرعناهه والمسكينه كامت تبجي و جابت المدير هههههههه

هاي هيجي نستمر الى ان دوام ينتهي ساعه بـ 3
و نجي للبيت تعبانين و هلكانين

اجي كبل علمطبخ اشوف شعدنه غداء
اكلي فدشي واروح اغير ملابسي و اصلي و اروح اناملي فد ساعتين
بعدين من اكعد همين اكل فدشي و اروح اتحارش بخواتي و اذيهن و مناك اروح اضرب اخويه
الى ان ارتاح ههههههههههه
بعدين من كملت المهمه اجي علنت اكعد فد ساعتين مو اكثر
نوب من جديد اروح للمطبخ اكل فد شي و اضرب اخويه وارجع لغرفتي
الى ان ساعه تصير بـ 12 و اذكر بدراستي واكوم ادرس لساعه بـ 2 و بعدين همين اكل فدشي وانام
طبعا نكته اني بلسوم اكل خمس او ست مرات
ض55

هاي بنسبه للايام العاديه
اما ايام العطلة

اكعد ساعه بلوحده و اروح كبل على اخويه
هلكد نتكافش الى ان هو يستسلم و من جديد نتصالح و نطلع مشوار لسنتر
و
بعدين من نرجع اروح من جديد على خواتي همين اتحارش بيهن و هكذا الحياة مستمرةبس
عجيب ما ادري ليش اني هلكد عدوانيه ههههههههه
ض101

وهذا اليوم مالتي بس اجمل شي بحياتي الضحككككك ما فاركة يا شيصير مرة بفاتحة كرايبنه اني و صديقاتي كاعدين
حجو سالفة واني خربت ضحك والي بلفاتحة كلها كامت اتباوع بعنف عليه ههههههههههه
هوة ابو طبع ايبطل طبعة طبعا لا هههههههه
ترا سوالفي متخلص كلها مشاكل وضحك
هع هع هع


غير منا الباجر ماخلص
STOP لهنا
تسلمولي حبايب
على استماعكم هههههههه

ومرسي الي على هذا الموضوع ههههههه

وتسلم اوس لان صوتت الية بهيج حالة اني راضي عليك دنيا والاخرة هههههههههه

http://www.alfrasha.com/up/774888834148568848.gif
ولي عودة لان

ماادري منو اختار بعدي
افكر واكلكم
ض101

SaDiM
03-22-2008, 04:55 PM
يسعدني أن أدعو من بعدي الاخ العزيز

()زياد البصراوي ()

فليتفضل مشكورا لقبوله الدعوة ....


/
\
/

ض101

زياد البصّراوي
03-22-2008, 05:27 PM
السلام عليكم .. بالبداية احب اشكر الاخت لاختياري بالموضــوع .!.!.!.

والله بالنسبة الي انه يعني فد واحد يقضي يوم بسيط جداً ومابيه تعقيد يعني يوم عادي
طاغي عليه الروتين الممل ,,, الي صار جزء من حياتي ويجوز جزء من حياة الاغلبية .. :-

يعني .. اگعد الصبح .. طبعاً ما اذكر مرة متريگ بالبيت من چنت بالابتدائية يمكـن .. المهم
اطلـع للشغلّ ( طبعا اشتغل بمكتب نت ) افتح المكتب او قبل لا افتـح اتريگ وافتح ..
شغلات اگضيهه بالمكتب .. مرات ماكو شي افتح التلفزيـون واكَـعد ..
الظهـر مرات قليلة اروح للبيت اتغده وارجع وغالباً اتغدة بالسوگ ويه الولـد .. ماكـــ؛س وغيره ..
وبعدهه ارجع للمكتب .. ساعتين تلاثـه واعزل ...
نشوف الوضع والواهس اذا يسمح نروح لفد مكـان نكَعـد .. وبعدهه اذهب الى البيــت ..

أفتـح نت .. قليل ومن ثم اذا الي واهس تلفزيون واذا مالي واهس .. الزم ورقة وقلمـ وابقى اشخبـط
اذا اكو مشروع قصيدة ابقى وياهه ل1 بالليل واذا ماكو لو ارسـم ( طبعا ماعرف ارسم بس احب ارسم )

ومن ثم الجأ العائلـة اكَعـد يمهم .. نسولـف .. ومن ثم للفراش حته اكَعـد اعيد الروتين اليومي

وسلامتكم


الدعوة موجهه لأموري البصري
مع شديد الحب لاموري

اموري البصري
03-22-2008, 07:21 PM
بعد ان تلقيت الدعوى من قبل حبيبي وعزيزي وثقتي من صحبتي
البطل المقدام عاش القائد زيدان لتكملة حلقات موضوع ( يوميات عضو )
اود ان انوه اني قد دُعيت من قبل من قبل الاخت الحنونة (رؤى)
والاخ زياد دعانِ بغير علم اني لمدعو من قبل
عليه بما اني مدعو مسبقاً فلي حق اختيار العضو التالي .. وعسا ان يكون غير مدعو
(( شگد حچيت ))

ادعو الاخت المشتاقلها هوايا ( جوهرة البحرين )

وعسى ان كون تبليغها من قبل الكتكوتة °● M!ss ƒℓ۵ωeя ●° (سديم )
واكون لها من الشاكرين
محبتي الملطخة بالقبل الساخنة
امواه

SaDiM
03-23-2008, 09:53 PM
السلام عليكم .. بالبداية احب اشكر الاخت لاختياري بالموضــوع .!.!.!.





العفو عيوني زياد و نورت الصفحه يا وردة



بعد ان تلقيت الدعوى من قبل حبيبي وعزيزي وثقتي من صحبتي

البطل المقدام عاش القائد زيدان لتكملة حلقات موضوع ( يوميات عضو )
اود ان انوه اني قد دُعيت من قبل من قبل الاخت الحنونة (رؤى)
والاخ زياد دعانِ بغير علم اني لمدعو من قبل
عليه بما اني مدعو مسبقاً فلي حق اختيار العضو التالي .. وعسا ان يكون غير مدعو
(( شگد حچيت ))

ادعو الاخت المشتاقلها هوايا ( جوهرة البحرين )

وعسى ان كون تبليغها من قبل الكتكوتة °● M!ss ƒℓ۵ωeя ●° (سديم )
واكون لها من الشاكرين
محبتي الملطخة بالقبل الساخنة

امواه


هههههههههههه اموري هاي سوالفك من وين تجيبهن ض46

تم تبليغ الاخت * جوهرة بحرين * و مشكورين لقبوله الدعوه

ض101

جوهرة البحرين
03-24-2008, 06:55 PM
http://www.21za.com/pic/salam_kalam001_files/1.gif

في البدايه احب ان اوجهه تحيه للزميله الغاليه °● M!ss ƒℓ۵ωeя ●°

وتحيه خاااااااااااااااصه جدا جدا جدا للأخ والزميل والصديق الوحيد الاوحد الموحود الموحد ض46مو

الي صار لي شكد محاجيه وياه والي مايسأل عني عابت له ض50أموري البصري


شكرا على هالدعوه الحلوة

ياعمي شنو اكول لكم والله ايامي عاديه مثل باقي الايام على كوله الزعيم زياد البصراوي

شوفوا راح اكول على يوم اجازتي احسن شي ويصير يوم الاحد

اكعد الساعه 4 الفجر

اصلي على النبي محمد وآل محمد

وبعدين انام شويه

اكعد الساعه 7

اغسل وجهي واسناني واسبح فرد مره هههههههههه عشان مااضيع وكت بأجازتي

المهم عكب مااخلص اروح اجيب خبز من الخباز الي يم البيت

وبعدين انسوي ريوك ونكعد نتريك انا وامي الله يخليها الي

واخلص شغل البيت كله اكنس واعسل مواعين واذا اكو هدوم اخليها بالغساله

وبعدين اكعد على الحاسبه لحد مايجي وكت الغدى الي طبعا مو انا الي اطبخ ههههههههههه

اكعد على الحاسبه واشوف شكو ماكو بالماسنجر او المنتدى او ساعات ادخل للجات

ويجي وكت الصلاه اكوم اصلي على النبي محمد وآل محمد

وبعدين ارجع للحاسبه

ومن يجي وكت الغدا اروح اتغدى وهم اغسل مواعين الغدا

مرات انام لي فد نص ساعه

ومرات لا اكعد على الحاسبه

ومرات اطلع وي صديقتي

ومن يجي المغرب اصلي وشوي واتعشى وي امي الغاليه الي مالي غيرها ض48

وبعدين ارجع للتلفزيون ولوان امي ماتخليني اكعد لأن هي محتله التلفزيون ض14

من الانوار للفرات لآل البيت وهكذا

فأضطر اني ارجع لصديقتي وهي الحاسبه ض33

اكعد لحد ما يجي وكت النوم اكول اغسل اسناني وانام وهاي هي ههههههههههههه ض61

اتمنى اني كنت خفيفه الظل عليكم

وشكرا مره ثانيه على الدعوه الرائعه

وانا من جهتي ادعوا البصراويه صديقتي الغاليه

تحياتي لكم

الجوهـــــــــــــرة

IxI HaShOoM IxI
04-02-2008, 12:32 PM
بالنسبه لــتأخر الاخت البصراويه

أحب أن أدعو الأخ سوران لكي يشرفنا في هذا الموضوع


فليتفضل مهددآ بقوة السلاح

ســـــوران
04-02-2008, 01:02 PM
شكرااااااااا لكم أحبتي

يسرني ويسعدني ان اكون بينكم ومعكم
Thank you, my brothers
I am happy and I am glad to be among you and with you

ض55ض55ض55

IxI HaShOoM IxI
04-02-2008, 01:18 PM
شكرآ الك

وننتظر قدومك بأحر من الجمر

ســـــوران
04-07-2008, 12:05 AM
بسم الله الرحمن الرحيم
اللهم صلي على محمد وآل محمد

شكرآ للأخ الغالي هاشم على دعوته الجميله
وأيضآ أقدم الشكر الجزيل لصاحبة الموضوع على تألقها الدائم

بسم الله أبدأ كلامي وعلى بركته ,

طبعآ آني عندي محل حاسبات يعني كل ما لذ وطاب من الطركاعه الي كدامي
شغلتي يجيبولي حاسبات عاطله وآني أقفص عليهم وأسويهه لو شميكون العطل
المهم بالايام العاديه أبقى سهران للصبح أحيانآ لحد ما انعس يعني مو سوه بالوحده
بالعشره بالخمسه لحد ما تقفل عيوني وتكوم ترفرف كجناح الطير
اذا نمت متأخر أكعد فايت وكت أجي افتح المحل وأكعد
عاد يجون العطلات من الصباحيات وآني هم مادري شلون متحمل
يصير الظهر اروح اتغدى بعده لو انام لو ارجع للمهجومه الحاسبه
اجي ادخل للعيون طبعآ هاي بعد ما افرغ من شغلي
أجي اشوف مواضيعي وأرد عالحلوين والحلوات
طبعآ ما ارد عالموحلوين والموحلوات لان الموحلوين والموحلوات
همه مو حلوين ومو حلوات واني ماحب الموحلوين والموحلوات
شطلعت هاي ههههههههه ابدي اشارك من جديد
من يصير وقت العشاء اروح اتعشى واجيب الجكاير احطهه بصفي
وابدي احشش وافرفش للصبح ويه دك النجف
وكان الله يحب المحسنين والمحسنات ومن مات على الهدى والايمان
وشكرآ الكم للاصغاء وعاش القائد واليسقط القائد حفظه الله ورعاه
كان محدثكم من ارض العراق سوران العراقي

ولي عوده لأختيار المتورط الجديد
وشكرآ
soran

ســـــوران
04-10-2008, 11:19 AM
أحب أن أدعو

الأخت

أسيل 2007

لكي تشرفنا في هذا الموضوع


فلتتفضل وتنورنا

A♥[ ₪ أســــيل ₪ ]♥N
04-10-2008, 12:27 PM
السلام عليكم
بدايه ان شاء الله الكل بخير ربي
ثانيا شكرا خاص الاخويه العزيز
(ســــــــــــوران)
الذوقه الراقي و يشرفني اكون و ياكم
يا غالين(خوش و رطه)هع هع هع
ثالثا الف شكر لصاحبة الموضوع اختي الغاليه
و تحياتي الج و رده

اي و الله ما ادري شكول خخخ
بسم الله و الصلاة على النبي و ال النبي محمد(ص)
طبعا مثل متدرون اني انسان عادي مثلكم هههه
يعني اكعد الصبح عندي دوام بروضه للاطفال الاجانب
خارج البلد اكيد انام ب 10 و اكعد و يه 4 اصلي و كرندايزر انطلقهع هع هع
احب الاطفال الملعونين بالاخص من يحجون كلش ما افتهم
(مثل الاطرش بالزفه)
بس من افوت عليهم
يشتغل الصياح
مس اسيل كم
هاي بس بالبدايه هسه لا افتهم
الدراسه موقفتها حاليا هندسه حاسبات
ارجع من الدوام سيرا على الاقدام ض100اتغدا و اشوف سنوات الضياع
عادي احب يحيى و اكره رفيفهع هع هع
اجيب كلاص الجاي دبل(مو ما اتعشه) و السواكض60
افتح النت من الصبح للمغرب و مرات من المغرب الى ال 12
افوت على عيون العراق افرفر شويه من المنتدى الاسلامي و اروح على حزورات سوران (دمرتني سوران و الله)هع هع هعهع هع هع
طبعا احل الحزوره و ارجع افتر على الاهل انطيهم الحزوره و الي ميحلها اخصرهم
هههههع هع هعههههه
سوران انت عادي همه كلش يحبوكهع هع هعهع هع هع
بالمناسبه اسم سوران عجبني و المعنى اكثر
عود سألوا(عبالك بس انت تورطني)هع هع هع
و الله ما امل من عيون العراق
اروح ع نقاشات الجاده نتعارك شويه و للمطبخ شويه الجمعه عليه الغدا ردح
اروح للفوتوشوب و التصاميم احب النكت موت
اثناء ذالك احجي و يه الاهل و الوالد الغالي
واحجي و يه الغاليه الكويتيه
و بالنهايه
طبا انام نوما عميقاهع هع هعاااا

و تحياتي الكم مره ثانيه و سعيده جدا و ياكم
الله يحفظكم و يحفظ العراق و كل العراقين
امــــــــــــــــــــين

اختكم
اسيل

A♥[ ₪ أســــيل ₪ ]♥N
04-10-2008, 12:44 PM
أحب أن أدعو

الأخت

الكويتيه
لكي تشرفنا في هذا الموضوع

فلتتفضل وتنورنا

IxI HaShOoM IxI
04-10-2008, 01:04 PM
شكرآ لصراحتج ولمرورج الجميل أختي أسيل
وبأنتظار الأخت كويتيه وكان أختيارج موفق أخو سرمد ض5
تحياتي

❀๑♥ғℓσώξя♥๑❀
04-10-2008, 03:55 PM
http://www5.0zz0.com/2008/04/10/12/662716964.gif (http://www.0zz0.com)


http://www5.0zz0.com/2008/04/10/12/306588876.gif (http://www.0zz0.com)


بالبداية أشكر صاحبة الموضوع مس فلاور واهنيها على جهودها ومواضيعها الراقية ..
وأشكر حبيبة قلبي أسوولة على اختيارها لي.. صج ورطة هع هع هع

****
بداية يومي يكون من صلاة الفجر أصلي وأتسبح وركضة للدوام :)
دوامي من الساعة 6 إلى 12 ظهراً ...أففففف طبعا أرجع من الدوااام والشمس حارقة وجهي حرق
http://www5.0zz0.com/2008/04/10/12/114246262.gif (http://www.0zz0.com)http://www5.0zz0.com/2008/04/10/12/114246262.gif (http://www.0zz0.com)http://www5.0zz0.com/2008/04/10/12/114246262.gif (http://www.0zz0.com)http://www5.0zz0.com/2008/04/10/12/114246262.gif (http://www.0zz0.com)http://www5.0zz0.com/2008/04/10/12/114246262.gif (http://www.0zz0.com)

اصلي الظهر والعصر وبعدين انتظر لمن يرجعون أخواني وأخواتي من الدوام ونتغدى مع أمي وأبوي :) ونسولف ...
أخوي الكبير دمه خفييييف جدا ..دايما أهو اللي يقول لنا نكت ومواقف طرييييفة واغلب الوقت اهو اللي يتكلم واحنا بس نضحك ض100ض100

نخلص الغدا نتجمع بالغرفة انا وخواتي وامي ونحط جاااي ونسكافيه ونطالع سنوات الضياع وبعدين نور ...

احيانا يزورونا خالاتي وأعمامي ونكمل الشوط الثاني من الضحك :)

وبعدين أقعد انا عالنت ..ماعندي وقت محدد كل ما اشوف وقت افتح النت وأدخل على ايميلي ومنتدى عيون العراق ..وبالمسنجر أصادف حبيبة قلبي أسولة واقعد اسولف معاها لمن نمل ودايما ضحك انا معاهاا وبصراحة أطيب قلب شفته بهالدنيا قلب اسولة :)
واصادف عسولة الرافدين ومجموعة من البنوتات :) نسولف عن المنتدى ونكت ومواقف حلوة...

خلوني اقلكم جم نكته حلوة : هع هع هع
1) دكتور يدرس محششين أخذ كأس فبه خمر وحط داخله دودة ..بعد فترة ماتت الدودة
جان يقولهم عرفتوا نتيجة الخمر؟
جان يقولون: اي عرفنا ..اذا واحد ببطنه دودة زايدة يشرب الخمر وتموت الدودة
هع هع هعض100هع هع هعض100

2) غبي احترق محله .. قالوا له : ان شاء الله ما خسرت كثير ؟؟
قالهم: لا الحمد لله إني مسوي تنزيلات !!
هع هع هعض100هع هع هعض100

بس بس كافي ثنتين
ههههههههههههههههههههههههه

دايما احب اتواجد بالمضيف والنقاشات الجادة والصور والفتوغراف والاسلامي:)

وبعدها اتصل على اقاربي وصديقاتي وندردش شوي بالموبااايل نسولف ونغني شويشعر شعرهههههههههههههههههههههع هع هع



ويصير المغرب أصلي :) واذا عندي مشوار اسويه لأن الصبح حرررررررر ما نقدر نطلع الا بعد المغرب ض5



واخيييرا :) :) اروووح انااااام


ووبس

تحياااااااااااااااااااااااااااااااااااااااتي للجميييع



http://www5.0zz0.com/2008/04/10/12/444279452.gif (http://www.0zz0.com)http://www5.0zz0.com/2008/04/10/12/444279452.gif (http://www.0zz0.com)http://www5.0zz0.com/2008/04/10/12/444279452.gif (http://www.0zz0.com)

❀๑♥ғℓσώξя♥๑❀
04-10-2008, 03:59 PM
يسعدني أن أدعو أخي العزيز :
ســـــيــــــد الـــعشــــاق
:)
تحياتي

سيد العشاق
04-23-2008, 01:58 PM
كويتية انت اصيلة شوفو مانسيتني

اشكرك جدا على الدعوة واريد ربي يحفظج ويوفقج ويسعدج ويريحج وينطيج الي بقلبج ووو مو كافي صارت ماصخة (ها سديم ابد مو لوكي) هههههههههه


عيوني حياتي معقدة جدا جدا لان مقسمة الى قسمين طبعا بالبيت وبالشغل

فمادري اي قسم تردوو بسلح ابلش بالشغل ولو احمممم بس يالة هو اني شالع منانة

اكعد الصبح بعد الصلاه والاتكال على الله اشغل الحاسوب ونتظرة لمن يقلع تعرفون مو هو صاروخ ..
وشلون حاسوب صارلها 5 سنين مامطفاية ..

ابدي اشتغل بالايجاز اليومي اشوف شكو طركاعة ومصيبة براس العراقين اخليها بالايجاز ..

الساعة 7 تبدي رياضة صباحية ركض فد مترين ونص شناو وبعض السامبا اليابانية ماشاء الله عيونكم باردة

زين نتريك طبعا ترمز جاي من هذا ابو السحبة الي يكطع الزردوم وفد بيضتين وصمون جيش وعدكم الحساب ..

بعد الريوك

ارجع الكة كدامي بسم الله ماشاء الله كل صماخ كاعد وتبدي عملية العرض
طبعا انصب السلايت شو وكمل البوربيونت يعني الايجاز وربطة مع قناة العراقية وساعة الاخبار ب8 يبدي الدك والطم

نجي من الساعة 9 شلع ل12 الظهر تبدي عملية السطو المسلح ماكو مصرف مانطبلة والذبح بالموس من الركبة خخخخ اشاقة

اشتغل الكتب والاجوبة المستعجلة والمواقف مالت يوم البارحة والمواقف الشهرية والاسبوعية واليومية وهذا شلاع القلب الماينحجة ..

زين تبدي فترة الدجاج البرازيلي والزلاطة الالذابلة والطماطة المحروكة والعنبه الصاكة ....

بعد ال2 ابدي اصفي شغلي السابق وادز بعضة بالنت وبعضة حيكون بالتوقيع ..

4 العصر لحد1 بليل اتابع المواقف والمستجدات بكل انحاء العالم وماخلي ارهابي بالكون يعتب علية لو اكمشة لو اكتلة طبعا بنقل المعلومات وهذا الحجي بيناتنا اوكي


بعد 1 تبدا فترة الضيم والصليم سهر الليل ودك الهاونات نفتر بالفروع وبالبراج مالت الكهرباء وعدكم الحساب

يمكن باليوم انام من 3 الى 5 ساعات
وعلى هل الرنة طحينج ناعم ينورية يم الزلاطة ...

وخلال عملي بين الحظات والساعات استرق النظر للمنتدى ولو اطب لواشلع


تحياتي ومتناني لكم اخوتي الغالين وكل من عرفتة وكلمته ماعتقد شوفوني بعد هي كم يوم
ولح اروح لغير عالم وغير مكان وقلبي ودعائي لكم

فلا تنسوني بالدعاء

امانــــــــــــــــــــــــــــة لاتنسوني

سيد العشاق
04-23-2008, 02:18 PM
ادعو الاخت الغالية
والطفلة الحنونة الشالعة قلبي لان ماتعرف شنو كص وفلافل ومولدة وطنية

صاحبة الذوق الرفيع

الماتمل من المشاركات ولا المواضيع

الفراشة التركية والوردة الاسبانية والتفاحة السعودية

***عاشقة العترة ***

IxI HaShOoM IxI
04-24-2008, 02:33 AM
مشكور اخويه سيد على صراحتك
وقبولك الدعوه من اختنا كويتيه
اختيارك موفق
وننتظر اختنا عاشقة العتره بفارغ الصبر
تحياتي

عاشقة العتره
04-25-2008, 12:58 PM
مشكور خويه سيد العشاق على الدعوه
بس انتظر لما اروح اعمل الشاي والقهوه
واجيب الحلويات والمكسرات
وبعدين اجي احكي الك من شان تكون السوالف احلى
تسلم سيد
لي عوده

عاشقة العتره
04-25-2008, 08:04 PM
http://forum.h-shrqia.com/images/bsm.gif
http://www.3ode.net/vb/uploader/21195_1204657018.gif
يالله تفضلو سمعو الحكايه من البدايه الين النهايه
اني طبعا اوقت المنبه الساعه 4 صباحاً اصحى اصلي على محمد والِ محمد
ثم ارجع انخمد بعد الصلاه الين الساعه 5,30 دقيقه اصحى مره اخرى طبعا بعد جهد
وملل اني اقوم من السرير اصحي الشعب اصحاب المدارس وبعدها اروح اجهز الفطور ثم ارجع الهم والاقيهم ولا واحد قام من السرير ارجع اصحيهم مره ثانيه
الين تطلع روحي وبعد ما يصحو...ويروحو الى مدارسهم اني اروح اجهز الى الغذا
واوقات الى الغذاء و العشاء مره وحده من الصبح( مجده هههههه) وافر البيت من غرفه الي غرفه تنظيف ومسح وكنس والساعه 9او 10 على حسب انتهاء العمل
اجي الي المنتدى اتصفح وياكم واسولف الين الساعه 11 اروح الى الصفحه الثانيه من النت وهي صفحة الشغل طبعا اجلس هنااااك اشوي وبالمنتدى شوي
الين الساعه 3,30 دقيقه ينتهي العمل بـ سامبا وبعدها اتحرر اروح اجي على كيفي
طبعا خلال فترة العمل يتخلله بعض الطفرات منا منا للغذاء او الى اي شي في البيت
للمذاكره مثلا وبين حين وحين اجي اطل على المنتدى والساعه 6 تبتدي فترة تجهيز
للعشاء وبعد العشاء تجي فترة تغسيل الملابس الين الساعه 9,30 يجي وقت الراحه ما فيه شغل ولا زحمة جهال الكل انخمد ونام واني اظل براحتى بين المنتدى والبيت الين الساعه 12 اذهب الى النوم الى صبااح يوم جديد وهكذ ا كل ايام الاسبوع ...ما عدا الخميس والجمعه يختلف عن باقي الاسبوع

عاشقة العتره
04-26-2008, 08:54 PM
الى من عرفتها من خلال كتاباتها فعرفت معنى كبيراً لشخصيه
لم اتعايش معها وانما التواصل المستمر بيننا هو الذي سيعمق
هذه العلاقه الى الافضل ان شاء الله ..............

(متيمة الامام علي )

نحنُ بنتظار يومياتك على احر من الجمر فلتتفضل مسحوبه من شعرها

لكي تترك الخجل عنها
اختك
(عاشقة العتره )

متيمة الامام علي ksa
04-28-2008, 08:26 AM
مشكوره اختي ( عاشقه العتره ) على استضافتك لي

عشوقه فضحتيني بالمنتدى يعني ضروري كل الاعضاء يعرفو اني خجوله والله فشله هههههههههههههه

المهم ما اطول عليكم يومياتي هي كالتالي احم احم

كل يوم اصحى الساعه سته ونص عشان اسوي شعري وحط ميك اب خفيف تدورن ليش عشان اروح الدوام (تقولون رايحه عرس مو دوام )

واجلس استى سياره الدوام اكثر من ساعه تقريبا كل هذا حب في الدوام لاني ماحب شي اسمو بيت او الجلسه بالبيت

احب التمشيات والطلعات هذا لانو مو حاصل لي خخخخخخخخخخ

بعدها اروح الدوام وطبعا مع ابتسامه عريضه كلها خجل واسلم على زميلاتي بالدوام و احط راسي بالعمل وما ارفعه الا نهايه الدوام

كل هذا حياء خخخخخخخخخخخخ

بعد ما ارجع من الدوام اذا مزاجي رايق للغدا تغديت واذا مو رايق سويت شغل البيت ونمت على طول الى المغرب

بعد ما اجلس من النوم اسوي العشا بدري وارجع اكمل شغل البيت بعدها ادخل النت في وقت متاخر من اليل واسهر الى الفجر احياناا

واذا كان النت عطلان اضل احوس بالبيت مثل التايهه ماعرف ايش اسوي ههههههه

وهذي يوميات متيمه الامام علي

على فكره انااا (( مظلومة دهرهاا ) بس غيرت اسمي كل هذا من خجلي حبيت اطلع بللوك جديد خخخخخخ


تقبلو تحياتي متيمه الامام علي

متيمة الامام علي ksa
04-28-2008, 08:38 AM
ادعو الاخت ملكه الليل
فلتتفضل مشكورره بعدي

SaDiM
05-11-2008, 04:47 PM
لعدم تفاعل الاخت ملكة الليل و تاخرهه بلرد

/

يشرفني أن ادعوا المتألق

و

زهرة المنتدي * لايمان *

فليتفضل مشكورا لقبوله دعوتي

ض101

layman
05-11-2008, 07:28 PM
بسم الله الرحمن الرحيم
*******
بما انه تورطت ووافقت على قبول الدعوة الكريمة من الأخت النابضة بالتألق{ سديم }
لذلك راح اسرد يومي المتخم بالروتين
فبداية يومي كبداية يوم أي كائن حي .. اكعد الصبح ساعة 6.45 اسوي الاجراءات المعتادة واطلع
اذا الدبل صاعد ومخلي بانزين بالسيارة آخذ السيارة واروح واذا مابيها اتوكل على الله واروح بالكيا
وما ادراك ماالكيا ؟؟؟؟؟؟؟ وطبعا اركب 3 كيات ذهاباً ومثلها اياباً
على كل حال اوصل للدوام بين الساعة 8.15 و8.30 ونبدي شغلنا ( ونسيت اكللكم انه اني موظف في احدىدوائر الدولة )( ما راح اذكر اسمها للسرية التامة )top secret (هي والبنتاغون بنفس الحساسية) اكمل الدوام ساعة 1 وارجع للبيت اوصل ساعة 2 عبارة عن اطلال انسان اكمل ما علي اكماله من غسل وصلاة وغداواكعد على النت اذا بيه حيل..
ساعة 5 يقوم صاحب السمو والسعادة ( ابو المولدة ) باطفاء مولدته الكريمة صاحبة الفضل ...
العصريات اطلع للحديقة اسكيها وارتبها اذا عايزة ترتيب( لأن احب اشتغل بالحديقة ) يعني حديقة (ديزني لاند ) في باريس شوية احلى من حديقتي .
يصير الليل لو ارجع على النت لو اصعد بالغرفة اتفرج على التلفزيون لو امارس هوايتي المفضلة ( القراءة) وحتى ارضي غرور سديم دا اقره هالايام كتاب (العراق في عهد قاسم ) لمؤلفه اوريل دان
ودورات انام من وكت ودورات اتأخر حسب الحالة النفسية يعني مرة ساعة 11 انام ومرة ساعة 2 مو سوه
هاي ايام الدوام وايام العطل نفس الحالة بس الصبح اقضي وقتي بالاضافة للهوايتين اللي ذكرتهن بتصليح وترميم أي شي عاطل بالبيت
واذا ماكو شي اكسرلي فد شي واصلحه من جديد لأن احب اصلح واغير اشياء قديمة مو علمود شي بس حتى اكسر بعض الروتين القاتل
اعتقد هاي حياتي اليومية التي تسرب اليها التشابه في كل ايامها من كل حدب وصوب
ارجو اني لم اكن ثقيل الظل لدرجة الملل
ولا انسى ان اذيل صفحتي من يوم في حياتي بتقديم عصارة الشكر والإمتنان من القلب لصاحبة الموضوع التي يتهادى اليها الجمال الايطالي والرقة اليابانية وخفة الدم الأمريكي والعطر الفرنسي والخجل العربي
اختي الصغيرة
^^^^^^^ سديم ^^^^^^^
لي عودة لإختيار عضو يبصم لنا بيومه هنا

SaDiM
05-12-2008, 02:24 PM
ههههههههه تسلملي عيوني لايمان هذا من ذوقك عزيزي http://www.asoudaliraq.net/images/smilies/Embarrassment.gif

http://www.asoudaliraq.net/images/smilies/hdhd65.gif

و
مرسي على صراحتك و مرورك الجميل http://www.asoudaliraq.net/images/smilies/hdhd66.gif
نورت الصفحة يا وردة

http://www.asoudaliraq.net/images/smilies/smailes60.gif


/

نحن بانتظار عضو القادمــــ

http://www.asoudaliraq.net/images/smilies/alglb91.gifhttp://www.asoudaliraq.net/images/smilies/alglb91.gifhttp://www.asoudaliraq.net/images/smilies/alglb91.gif

layman
05-13-2008, 07:29 AM
تجولت دعوتي في سماء عيون العراق واستقرت في احضان


ذلك الجندي المجهول في عيون العراق زارع البذرة التي اثمرت عن هذا التجمع الجميل


لا اطيل ... ولنفرش الطريق ترابا ونضع على جوانبه وردا


رحبوا معي بمن وضع حجر الاساس لعيون العراق


....... امير العاشقين العراقي ........

SaDiM
05-13-2008, 03:39 PM
يله اموري تعال استلم الراية http://www.asoudaliraq.net/images/smilies/B.gif


http://www.asoudaliraq.net/images/smilies/alglb91.gifhttp://www.asoudaliraq.net/images/smilies/alglb91.gifhttp://www.asoudaliraq.net/images/smilies/alglb91.gif

امير العاشقين العراقي
05-13-2008, 03:55 PM
عمي تامرون امر
طبعا المضمون واضح من العنوان
بارحه لايمن دزلي رساله بعنوان ورطه
هههههههههههههههههههههههههه
صدك هي ورطه
واليوم سديم همين
تامرون امر بالخدمه اليوم اول ما تجي الكهرباء اجي انطيكم يوم من حياتي الممله
وتامرون امر

امير العاشقين العراقي
05-13-2008, 07:01 PM
مساء الخير
شوفو عيني
اني اكعد متاخر بالنوم
اول ما اكعد اكو عاده تعبانه اطك ظهري ههههههههههههه
انزل اسوي الريوك بيدي لان كل العائلة تكون بالدوام
اما اسوي مخلمه او كباب او هل الموجود اهم شي يكون سهل عليه بالاعداد
افتح الحاسبة اشوف شكو ماكو بمنتدى والايميل
وراها اسد الحاسبة واتفرج على قناه ميلودي او القنوات الرياضية
يجيني ابو الحناكيص العصر نطلع على منطقة الشواطي يم بيتنا منطقة بحر وشي حلو نوكف شوي نتفرج
نكص بهذا وذاك صارت المغربية
افتح التلفزيون على قناه الدوري والكاس واتابع بشغف اللاعبين العراقيين واخبارهم
يوم حياتي بسيط جدا وممل جدا لانه سيناريو معتاد بسبب انه حاليا بعدني ما متوظف من اتوظف ادعوني للموضوع وبخدمتكم

SaDiM
05-13-2008, 07:32 PM
نطلع على منطقة الشواطي يم بيتنا منطقة بحر وشي حلو نوكف شوي نتفرج
نكص بهذا وذاك





هذا احلى مقطع اموري

هع هع هعهع هع هعهع هع هع

/

بانتظار عضو القادم

ض101

Śẫўәď ǺŁЗәδŋ
05-21-2008, 09:39 PM
مسااااء الخيررررر

موضوع حلو

اتمنه اكو ضيفكم

تحياااتي

سيد العيون

IxI HaShOoM IxI
05-22-2008, 12:01 PM
بالنظر لتأخر أخونا أمير عن دعوته للعضو القادم

وطبعآ عن أذن سدومه أحب أن أدعو أختنا الغاليه

بنوته أموره لكي تتحدث لنا عن يومها

فالتتفضل مشكوره لقبولها دعوتي

//

بنوته اموره
05-22-2008, 01:52 PM
مسآء آلخير
آحب آشكر هآشم على هآي آلورطهـ
//
بسم آلله آلرحمن آلرحيم
وآلصلآة وآلسلآم على خآتم آلآنبيآء محمد
صل آلله عليهـ وسلم
آمآ بعد:-
ض5 هذي خطبهـ آلجمعهـ ض5
//
رآح آحجي عن يومي آلطبيعي آلي آدآوم بي بآلمدرسهـ
آكعد يوميهـ بآلسبعهـ آلصبح آنزل آغسل
آجيب هدومي من آلحبل وآصعد آبدل لمن آكمل
آشوف حقيبتي ض5 هههههههههه
ومرآت آفتح نت
مآ آتريك آلصبح هذ1 شي متعودهـ عليهـ
آشوف آخويهـ آلسآعهـ7:45
علمود يكعد آروح آشغل آلسيآرهـ وبعدين نطلع من آلبيت
بـ8:00 آو قبلهآ بشويهـ
آوصل للمدرسهـ آسلم على آلكروب مآلتي
وبعدين نبدي نسولف شويهـ ورآهآ يبدي آول درس
آكيد آذآ آكو شآغر نضحك ونكت ومن هذي آلسوآلف
وكنت دآئمآ آسولفلهم على آلمنتدى وشنو يصير
لمن يخلص آلدوآم آنتظر آخويهـ يجي عليهـ ونرجع للبيت
تقريبآ آوصل للبيت 12:15
مرآت شويهـ آسولف ويآ آمي آو آشوف تلفزيون
ورآهآ آروح آغير ملآبسي وعلى آلآكثر آنآم
لمن آكعد قبل نص سآعهـ من رفيف
آتغدهـ وآشوف رفيف ولمن آخلص آبدي آقرهـ
ومرآت بآلآسترآحهـ آفتح نت
آي هذ1 يومي آلي بآلمدرسهـ ,, بس يوم آلعطلهـ يختلف
تمآمآ ,, لآن بي شويهـ آكعد متآخرهـ وتنظيف ومن هذي آلسوآلف
//
هذ1 تقريبآ كل آلي يصير بيومي
وآني آعتبرهـ شي روتيني لآن آبزع وآمل منهـ
بس مآآكدر آغير شي ,, بس آكول آلحمد لله على كل حآل
دوختكم ويآيهـ
/
\
/
ولي عودهـ لآختيآر آلعضو

awsalbayaty
05-22-2008, 02:00 PM
بنوتة اكو غلط بالتوقيت ض46
هع هع هعهع هع هع

بنوته اموره
05-22-2008, 04:06 PM
بنوتة اكو غلط بالتوقيت ض46
هع هع هعهع هع هع
ههههههههه
يآ فشلهـ آلفشلهـ
وآلله كنت دآيخهـ
//
وآني آطآلب من هذ1 آلمنبر ض5
آن يقوم هآشم بتعديل مشآركتي
//
آشوف آخويهـ آلسآعهـ8:45 ((لآ آني آقصد 7:45 ض5))
علمود يكعد آروح آشغل آلسيآرهـ وبعدين نطلع من آلبيت
بـ8:00 آو قبلهآ بشويهـ ((وهذي صحيحهـ ))
//
وآلله فشلهـ
ض51
/
\
/

IxI HaShOoM IxI
05-26-2008, 12:23 PM
تم التعديـــــل // فالتتفضـــلـ أختنـــــا بنوتــــــه بأختيــار العضـــو القادمـ

بنوته اموره
05-26-2008, 05:05 PM
مسآء آلخير
دعيت قلبوشهـ ,, بس مآ عرفت ردهآ ض5
ღ.!.قـِـٍطـَِره مطر.!.‏ღ
آكيد توآفق
وشكرآ آلهآ مقدمآ
/
\
/

•яёяё•
05-26-2008, 05:22 PM
http://m002.maktoob.com/alfrasha/ups/u/15571/18572/245785.gif
صــ ب ــاحكم \مــ س ـاءكم (ضًٍَِـًَِـحٍَِكه طٌٌٍَِــفلٍُ)

شكراً حبيبي بنوته اموره على الضيافه

بالعكس حبحب ماكو اشكال

:
راح اتكلم عن يومي يعني بالمدرســـه

اكعــد الصبح ساعه 7:10
اغير ملابسي
وابعدين يجي بابا ياخذني للمدرســـه

ادخل للصف وااكيد متأخره كاعاده ومدرس الانكليزي
استاذ عبد الحميد عدنا

::
طبعا راح يرزلني شويه

وبعدين اكمل الدراسه

طبعا هاي بدون ريوكَ
ارجع للبيت اتغده

وانام واكعد ب4
وبعدين لمن اصحصح تصيرلـــ5

وبعدين اشووف تحاضيري اليوميــه

واضل اقره للــ10

وره الــ10 اتعشه

وبعدين اكمــل اقرايتي

للــ12

وبعدين انام

:::

بس مرات يومي يتغير يعني احب التغير


(كـــــــــل الود)

قطوره
http://www.ollenkka.com/animation/love/image/love15.gif

http://m002.maktoob.com/alfrasha/ups/u/15571/18572/245790.gif

بنوته اموره
05-26-2008, 07:05 PM
شكرآ جزيلآ لكـِ
غآليتي
بس آذآ ممكن تختآرين عضو بعدج
لآ تنسين ,, حبيت آذكرج ض5
/
\
/

IxI HaShOoM IxI
05-26-2008, 07:14 PM
طبعآ كان رد اختنا قطره مطر سريع جدآ
وأكيد منوره الموضوع ويانا اليوم
وكان اختيار موفق من الاخت بنوته

ننتظر رجوعها واختيار العضو الي بعدها

تحياتي

•яёяё•
06-01-2008, 05:50 PM
هلو حبايبي

اني دعيت الاخت

ღ..angel..ღ

ღ..AnGeL..ღ
06-01-2008, 06:36 PM
هلو
شلونكمــ....؟
اول شي مشكورة ..قطره مطر..
يلا نبدي
.
.
.
اكعد ساعة ب7 الصبح اكوم اغسل وابدلـض46 واطلع اروح للمدرسة
امشي ثلث ساعة واوصل للمدرسة
انوب تبدي اول درسيين طبعا ماافتهم منهة شي لان بعدني نعسانة((ومامتريكة))
وانتضر بالكوة يلة تخلص اول درسين حتى اطلع بالفرصة اتريكـض55 وانوب هم درسين والفرصة ووراها تلث دروس
انوب نطلع بـ1 الضهر هم مشي ثلث ساعة
اوصل للبيت ب 1 ونص
ألكي بيتنا((جزء من النص مفقود))
عبالك صايرة بيه معركةض39
ابدي بيه للثنتين ونص اني مخلصة
انوب افوت اغسل ومن اطلع انام ومن اكعد اتغدة... واباوع سنوات الضياع
تصير دنيا عصر اكوم اقرة من الخمسة للسبعة
تصير ساعة 7 العصر تجي الكهرباء((المولدة)) اشوف((سيرة الحب)) تصير بـ8 اكوم اسوي عشة ونتعشة
تصير ساعة 9 تطفى الكهرباء((استراحة مال مولدة)) نشغل مولدة اظل كاعدة بغرفتي شو شسوي
تصير بالعشرة انزل اباوع ..نور
تصير ب11 اشوف ..عيون من زجاج
تخلص ي 12 اصعد لو انام لو اكعد شوية وبعدين انام
وبس
.
.
صدك ترة الانترنيت والتلفون مذكرتهة لان ما ألهة وقت معين



اختار
..سوران..

امورة
06-01-2008, 08:21 PM
مرحبا شباب وبنات فكرة اكثر من حلوة تسلمم ايدج سديم على الموضوع الرائع

ســـــوران
06-02-2008, 01:52 AM
شكرااااا الج أختي الغاليه


انجل

على الدعوووووووووووووووووووه


ولانني مشترك سابقا بالموضوع

فا احب

ادعو المتالقــــــــــــــــــــه

***

**
*





M!ss Rinoa (http://www.iraqeyes.com/vb/member.php?u=29074)

м!ѕѕ Riņoά
06-02-2008, 02:58 AM
http://fantasyflash.ru/anime/flowers/image/f39.gif

http://fantasyflash.ru/anime/well/image/we6.gif
هلو


شكرا أخ سوران عالدعوةhttp://fantasyflash.ru/anime/pix/image/pix727.gif



و أكيد شكرا لسديم عالفكرة الحلوةhttp://fantasyflash.ru/anime/pix/image/pix727.gif

http://fantasyflash.ru/anime/flowers/image/f40.gif

اوكي راح احجي عن يومي بالدوام

أول شي أكعد الساعة 6:30 أغسل و أبدل
و أشرب مي او بيبسي و بابا يوصلني للمدرسة
اوصل الساعة 7:45
أسلم على صديقاتي و نبدي بالدروس المملة
ببداية الدوام اكون نشيطة و لحد الدرس الرابع أتعب كلش وما اكل شي خلال الدوام
من يخلص الدوام أرجع مشي 10 دقايق
اوصل للبيت اغسل و ابدل
ماما تصبلي الغده
و عادة أتغده بوحديض60
الساعة 2:00 بالضبط أبدي أدرس
لحد الساعة 6:00 تقريبا
أروح أشرب جاي لان راسي يكوم يوجعني من الدراسة
من الساعة 7:00 لـ 9:00 أدرس
الساعة 9:00 أتعشه لحد الـ 10:00
و ما أكعد عالنت خلال الدوام نهائياض60
و بعدين أحضر جدولي و ملابس المدرسة و أنام

و بالنسبة للعطلة يومي ما بيه شي بس كاعدة عالنت

تح ـياتي

M!ss Rinoa


http://www.arabsys.net/pic/engwelcom/178.gif (http://www.arabsys.net/pic/index.php)

http://www.arabsys.net/pic/zkarf/1.gif

SaDiM
06-02-2008, 08:28 PM
مرحبا شباب وبنات فكرة اكثر من حلوة تسلم ايدج سديم على الموضوع الرائع

اسعدني اطلالتج يا قمر

http://lisademars.rain-blog.com/file/lisademars/image/lisademars1173801110.gif



http://fantasyflash.ru/anime/flowers/image/f39.gif


http://fantasyflash.ru/anime/well/image/we6.gif



و أكيد شكرا لسديم عالفكرة الحلوةhttp://fantasyflash.ru/anime/pix/image/pix727.gif

http://fantasyflash.ru/anime/flowers/image/f40.gif






طاب لي حضورج و ردج الجميل يا وردة

/

بــ انتظار عضو القادم



http://lisademars.rain-blog.com/file/lisademars/image/lisademars1179862974.gif

м!ѕѕ Riņoά
06-02-2008, 09:11 PM
http://fantasyflash.ru/anime/flowers/image/f39.gif


http://fantasyflash.ru/anime/well/image/we6.gif


أخ ـتار الوردة

أسمــــــــــــــــاء

حتى تحجيلنا عن يومها

SaDiM
06-02-2008, 09:13 PM
يله اسو حياتو وينج تعاي استلمي رايه

http://www.yesmeenah.com/smiles/smiles/25/5700d3a206b005fad9ab1ce4858ded74.gif (http://www.yesmeenah.com/smiles/smiles/25/5700d3a206b005fad9ab1ce4858ded74.gif)
http://www.yesmeenah.com/smiles/smiles/25/4ec87fbd7fd938cf6a4b0278e6838e66.gif (http://www.yesmeenah.com/smiles/smiles/25/4ec87fbd7fd938cf6a4b0278e6838e66.gif)
http://www.yesmeenah.com/smiles/smiles/25/4ecd1ca24d92d6900d5b333f47c749cf.gif (http://www.yesmeenah.com/smiles/smiles/25/4ecd1ca24d92d6900d5b333f47c749cf.gif)
http://www.yesmeenah.com/smiles/smiles/25/4ee519b1b400d4f0441127df33e556bc.gif (http://www.yesmeenah.com/smiles/smiles/25/4ee519b1b400d4f0441127df33e556bc.gif)
http://www.yesmeenah.com/smiles/smiles/25/4ef592f3f6a49cf1898c72101eab81a2.gif (http://www.yesmeenah.com/smiles/smiles/25/4ef592f3f6a49cf1898c72101eab81a2.gif)
http://www.yesmeenah.com/smiles/smiles/25/4efc478acfab2dd1198057faf1c33136.gif (http://www.yesmeenah.com/smiles/smiles/25/4efc478acfab2dd1198057faf1c33136.gif)

°•.asoo.•°
06-02-2008, 09:31 PM
هياتيني هنا رنوش قلب شكرا لدعوتك

سدمدم منورة عمري

انتضروني حتى اتذكر يومياتي هع هع هع

SaDiM
06-02-2008, 09:48 PM
هههههههههه
ولج اسو شتذكرين قابل فلم هندي يا مسلسل ههههههه

°•.asoo.•°
06-02-2008, 10:15 PM
http://www.allglittergraphics.com/welcome/glitter_graphics/welcome_graphics_51a.gif (http://www.allglittergraphics.com/welcome/welcome_glitter_graphic_51.shtml)



شكرا لـــــــــ http://www.allglittergraphics.com/friends/glitter_graphics/friends_graphics_15.gif (http://www.allglittergraphics.com/friends/friends_glitter_graphic_15.shtml)
رناوي على الدعوة وسدومة

يومي دايما يوجد بي مغامرات ودايما تكون مضحكة ليش معرف

يبدا يومي الساعة 6.30 اتحضر واغير ملابسي والبس الزي المدرسي بس المعروف عني
وشيء مشهور بمدرستي اني مخافة للقوانين هههههههههه دايما اخلف الزي المدرسي
اني من طبعي من اكو دوام ماتريق لان يكون بعد وكت ومالي نفس الاكل
http://home.no.net/anyas/anyaflower333.gifومن بعدة انزل للشارع الرئيسي وهاي اكيد من بعد ماوقف كل سيارة شرطة ههههههههه
اوصل المدرسة بالخط مالت المدرسة

http://lolake.jeeran.com/فراشه.gif

مدرستي اسمها الامالي المختلطة
مدرسة مختلطة شباب بنات وهذا شيء مزعج بشكل لان لمن ادخل ماخلي ولد وما انخبط بي
يعني كثيرة الحوادث هههههههههه

اوصل للصف اكيد الاقي البنات جالسات بهدوء لان الصف بي شباب بس من اوصل تبدة العيطة نطرد الولد من الصف نطلب من المدرس يعني
اول درس عادي صاحية الحمد الله ثاني درس لاء تبدا عقلي بالتجمد الثالث اني بغير عالم
لحديت الـــ12.30 ينتهي الدوام وانتضر الخط مالتي

ارجع للبيت اغير وانزل اول شيء اسوي افتح النت
ومن بعدة يصيحوني على الغدة اتغدى وارجع
للنت واجلس كم ساعة واروح اقرة
ومن بعد القراة انزل لان منطقتي منطقة زراعية روعة بالجمال انزل للبساتين بس مو كل يوم ههههههههه او للشط
ومن بعدة احضر العشا لاهلي اذا كان الدور علي هع هع هع
وارجع للنت
وبعدين اغسل سنوني واكل حلوة وانام هههههههه

وهاي حياتي مملة بشكل
http://www.allglittergraphics.com/good_bye/glitter_graphics/good_bye_graphics_07.gif (http://www.allglittergraphics.com/good_bye/good_bye_glitter_graphic_07.shtml)

خلي اشوف ابن جبار حيدر الشمخاوي اذا يقبل
الدعوة انتضرورددددحرددددح
يرعاكم الله

حيدر الشمخاوي
06-03-2008, 04:25 AM
السلام عليكم

شكرا اسماء الوردة على الدعوة
اول شي اگعد ساعة 6:30 صباحا
گبل للريوگ ض5 بعدين اغير ملابسي البس القاط ض5
وانتظر الخط يجيني ساعة 7:15
اول ما اوصل للمعهد گبل للنادي ض5
نبدي بالمحاظرات شكد اطول 2 ساعة تملل وخاصتا الحاسبات هذ1 ابو الحاسبات تكول عندة سينما
اول ماندخل يطفي الضوء ويسد البردات والسبلت مشتغل ويبدي يشرح على شاشة عملاقة
بس اني دوم ما اتنوعلة لان دوم انام بالمحاضرة جو يساعد على النوم
هع هع هع
يخلص دوامي ساعة 2:00 موبالليل ض5
ارجع اتغدة وبعدين اكمش الحاسبة لو مرات علاوي مشلغم عليهه
طبعا العصر ما احب اطلع مثل ماتعرفون الجو حار مايسوي واهس ض5
ابقى على الحاسبة اروحلي
لحد المغرب اروح اتعشة وبعدين هم ارجع للحاسبة اشلغم عليهه
طبعا هذ1 يومي الحافل بالانجازات
اكيد الي صولات وجولات ماسولفتهه ض5
سلامي وتحياتي للكل
شكرا خاص لــــ اسماء على الدعوة
ادعو الاخت اسراء كوكي
خلي نشوف يمومچ العظيم ض5

SaDiM
06-07-2008, 09:57 PM
لعدم تفاعل الاخت اسراء
و تأخرهه بـلرد

/

يسعدني ان ادعو اخ الغالي

][.. احمد البغدادي ..][

فليتشرف مسحوبا من ياخته http://www.iraqeyes.com/vb/images/icons/icon10.gif

http://www.yesmeenah.com/smiles/smiles/25/4efc478acfab2dd1198057faf1c33136.gif

http://www.yesmeenah.com/smiles/smiles/25/4951f3fa87023c64e8b86997f3156995.gif (http://www.yesmeenah.com/smiles/smiles/25/4951f3fa87023c64e8b86997f3156995.gif)

أحمد البغدادي
06-07-2008, 10:46 PM
شكرا لاختي العزيزه سديم ام المصايب ض8على الدعوه ههههه
//

استيقظ من النومُ (ماشاءالله فصيح جداَ ههههههههه)
لاصدك اكعد من النومـ ساعه 7.00 الصبح (قابل بليل)
اني مااتريك بالبيت.. اول مااكعد رأساَ اغسل وجهي المدهن بالبانزين وجلافه سيم حته يطلع يلمع مثل هذا ض5
بعدين ابدل ملابسي واطلع من البيت ساعه 7.30 اروح لكراج البياع واركب سيارات باب المعظم لان دوامي بالكليه التقنيه الاداريه ..
بس هنا احب اضيف شي وهو :اذا جان يوم احد لازم تصير عركه بالكيه لان الطريق مال الزوراء ازدحام وابو الكيه يغير طريقه فالعبريه يكومون يدعون على السايق من الصبح وشلون دعاوي ياعيني تخبل (انشاءالله الامريكان يزرفوك انت وسيارتك ض47 هههههه .واشكال من هلحجي) واذا جان يوم عادي كلشي ميصير
المهم اوصل للكليه ساعه8.45بعد عناءِ طويل وطبعا اضرب اول محاضره لان احنه عدنه حرام ندخل المحاضره الاولى
بعد مااخلص المحاضره الثانيه والثالثه تصير الساعه12.30 نكعد بالكافتريا نگص بالعالم
ومنخلي واحد او وحده منحجي عليه
ونصنف ونضحك وبعدين نتغده فلافل حاره ونشرب بيبسي ض55من ابو سعد

اطلع من الكليه ساعه 2.00 واركب سيارات البياع واوصل للبيت ساعه 3.30او 4.00 عبالك رايح للديوانيه ض40

اوصل للبيت اصلي واكل شويه اذا جنت جوعان واروح اشغل المولد وبعدين الحاسبه وبعدين ادخل للمنتدى
وبعدهه اطفي الحاسبه واروح اودي السياره للكراج لان اني ساكن بمجمع سكني
وهذا هو تقريبا يومي العظيم المليئ بالصولات والبطولات في ساحات الوغى
ض32 ض32
//

ادعو اخي العزيز ياسر السالطاني
كي يحدثنا عن انجازاته اليومييه
ض10ض10

SaDiM
06-07-2008, 10:50 PM
شكرا لاختي العزيزه سديم ام المصايب ض8على الدعوه ههههه

/
ادعو اخي العزيز ياسر السالطاني
كي يحدثنا عن انجازاته اليومييه

ض10ض10




http://www.iraqeyes.com/vb/images/icons/Q82_37[1].gif

طاب لي حضورك و ردك الجميل يا وردة

/

بس للاسف ياسر جان معزوم قبل
لازم تختار غير عضو

ض55

أحمد البغدادي
06-07-2008, 11:15 PM
ادعو اختي العزيزه اسيره الذكريات

فاتتفضل

SaDiM
06-07-2008, 11:28 PM
اسيرة همين انعزمت قبل

شكد عيب http://www.iraqeyes.com/vb/images/icons/icon10.gif

/

هاي اخر مرة تختار والى طلع العضو معزوم قبل اضربك باند
بعد انت وحظك

هع هع هع

أحمد البغدادي
06-07-2008, 11:35 PM
هههههههههههههههههههه
اويلي يابه ظربت الرقم القياسي بالبواري
هههههههه

ادعو انستي الرائعه
لميس البغداديه
فلتتفضل

أحمد البغدادي
06-08-2008, 12:21 AM
لميس اعتذرت وعشوقه مشاركه بالموضوع والكتلوني النت عنده موزين
منين اجيب عضو هسه ؟؟
اله اروح اجدي هههههههههههه

أحمد البغدادي
06-08-2008, 02:14 AM
ادعو خيتي
littile_angle

كي تحدثنا عن يومها المليان تراب وتعب
فلتتفضل مسحوبه من كصيبتها
هههههه

ض101ض101

little angel
06-08-2008, 02:32 AM
هلو حبايب شلونكم طبعا حمودي اني اعلمك شلون تجر شعري يلة المهم راح احجيلكم عن يومي المخبل
اكعد الصبح ساعة خمسة ونص واروح اسبح سبحة سريعة واطلع امشط شعري وامكيج والبس هدومي واسوي مسكول لابو الخط واروح للكلية
طبعا الكلية من محاضرة لمحاضرة وهسة اني امتحانات نظري طبعا اني هندسة معماري ومن اكمل دوام ارجع للبيت مشوية من الحر افوت اسبح راسا سبحة تخبل وبعدين اتغدى واروح انجطل شوية بس مانام واروح لو اقرا لو اسوي تصاميم جديدة وبعدين اكمل كولو ساعة سبعة اكعد اباوع مسلسلة سيرة الحب ووراها اكعد افيك بنفسي لو ارتب شعري لليوم القبل لو اسوي اظافيري ومن هالسوالف وراهة اتعشةوبعدين تطلع مسلسلة نور واني راح يغمى علية من ورة مهند وبعدين اروح ارهم هدوم لليوم المقبل واروح اكعد عالنت واكضيها افتر بالمنتدى لحد مانعس واروح انااااااااام
وطبعا هاي غير التلفونات اللي كلسا اخابر صديقاتي وابوك شوية من افكارهم
وخطية خواتي بس يشتغلون واني ولاامد ايدي بشغل البيت
طولت عليكم بالحجي يلة ميخالف
باي

little angel
06-09-2008, 03:05 AM
واني ادعي خلدون ابن العراق
فليتفضل

emperor
06-29-2008, 04:55 PM
فكرة حلوة
شكرا سديم
ولي عودة لكم ..

mokurz
07-01-2008, 12:17 PM
السلام عليكم

شكرا الج ست لتل انجل على الكربة ههههههه

اوكي راح احچيلكم عن يوم بحياتي

اول شي اگعد ساعة 4:30 الصبح من وكت مو ؟؟ اي من وكت اكعد اتريك و اروح اركض ساعه 5 الصبح لحد ساعه 6

ارجع وراها للبيت اسبح سبحه مو طبيعية تصير الساعه 6:45 دقيقه اشغل السيارة واروح لبيت صديقي اخذه ويايه للشغل طبعا اني

مهندس مدني (( حاليا في لندن وقريبا راجع للحبيبة بغداد )) تصير الساعه بالوحده الظهر الكل يروح للغده لمدة ساعه وحده .

وراها نرجع للشغل لحد الساعة 3 الظهر وبعدين ارجع للبيت اسبح .

ارتاح شوية تصير الساعه 7 تبدي فتره الدياحه . يجون الشله ونروح نديح اما نروح للمسبح او فد مطعم نتعشة او نروح لمدينه الملاهي

بصراحه شباب اني مدمن مال لعبة الجاذبية (( هاي الغرفة اللي تفتر سريييييييييييييييع وبعدين تلطش انته بالحايط وراها يشيلون الگاع

اللي جواك وانته تبقه لا حول ولا قوة بس لاطش بالحايط وتصرخ ))

وبعد هذا التعب ارجع ساعه 10 بالليل اني وكم واحد من اصدقائي نبقه واحد يحشش على الثاني لحد ما ننخمد كل واحد نايم بصفحه

اللي بالگاع واللي على القريوله واللي رجليه على الچرباية وراسه بالگاع يعني تصنيف و اي واحد يگعد الصبح الاول الله يساعد الباقين

اللي يجيه گلاص مي واللي ينسحل وغيرها وغيرها

هههههههههههه

طولت عليكم شباب وشكرا على الدعوة

وهسه اني ادعوا الاخ امبراطور يجي يكتب عن يوم بحياته

تحياتي شباب

emperor
07-01-2008, 04:57 PM
بالبداية احب اشكر سديموه على الفكرة الحلوة
واشكر خلدون على الاستضافة

وابدء باسم الله

اكعد من النوم الساعة 11 في العطل
رياضة صباحية (شناوين وعقلتين) ههههههههههههه
زين عيني

وراها اطلع بالممر وبيدي كوب جاي وجكارة
وراها ابدل وانزل على اصدقائي مكتب صديقي قريب فدائما نتواجد بيه
وراها ارجع للبيت افتح نت شوية وراها اتغدى
يصير العصر
دائما نطلع العصرية وية اصدقائي لو النادي العلوية لو كرادة لو صاج الريف كرسبي ليالي سلطان بهاي الاماكن اكثر شي
ونرجع بال9 بال10
بال10 اتفرج مسلسلة نور
تكمل بال11
بال11 افتح نت
وابقى الى ال1
وراها تبلش تلفونات المعجبات
ههههههههههههههههههه
الى ال3

واصبح على خير

ـــــ
اتمنى مطولت عليكم
لكم مني اطيب تحية وسلام
وادعُ غاليتنا
....برنسيسة بغداد ....
سيو

احمد

&& برنسيسة بغداد &&
07-01-2008, 06:46 PM
موضوع وفكرة حلوة
http://www.iraqeyes.com/vb/images/icons/a24[1].gifhttp://www.iraqeyes.com/vb/images/icons/a24[1].gifhttp://www.iraqeyes.com/vb/images/icons/a24[1].gifعاشت ايدج سديمhttp://www.iraqeyes.com/vb/images/icons/a24[1].gifhttp://www.iraqeyes.com/vb/images/icons/a24[1].gifhttp://www.iraqeyes.com/vb/images/icons/a24[1].gif
وشكــــرااا عيني أمبراطــــــور على استضافتك الي

أحـم أحـم ض46
اولا : يدك منبه الموبايل ساعة 6 الصبح
لان حاليا عندي امتحانات
ومن ماكو امتحانات ب 9ونص لو 10 اكعد من النوم
وبعدين ابدل وراهه انتظر السايق او بالاحرى هو ينتظرني لان لازم اشتله فد ربع ساعة
http://www.iraqeyes.com/vb/images/icons/Q82_16[3].gifhttp://www.iraqeyes.com/vb/images/icons/Q82_16[3].gifوبالكلية اكيد كلهه ونسة وضحك ونصب على ال رايح والجايhttp://www.iraqeyes.com/vb/images/icons/Q82_16[3].gifhttp://www.iraqeyes.com/vb/images/icons/Q82_16[3].gif
http://www.iraqeyes.com/vb/images/icons/(32)[1].gifلحد منتدخل للامتحان وراهه تبدي الكئابة http://www.iraqeyes.com/vb/images/icons/(32)[1].gif
وبعدين ارجع بال 2 لو 1ونص ارتاح شوية وبعدين اتغدة واروح انام
و اكعد ب 3 وراهه اكعد اتفرج تلفزيون و العصر مرات اكعد عالنت
وبعدين اطلع بالحديقة
اكعد اقرة شوية وبعدين اتعشة وراهه تبدي نور وتخلص ب11 اكمل قراية شوية
وراهه اخابر وبعدين انام
وعاشة وعيشة سعيدة
ســـــــوري لان طولت عليكم بس
http://www.iraqeyes.com/vb/images/icons/wallbash[1].gifصوجة ال أمبراطور لان هو دعاني http://www.iraqeyes.com/vb/images/icons/wallbash[1].gif
ههههههههههه

......واحب ان ادعو رومانسي....


تحــــــياتي
برنسيسة بغداد

رومانسي
07-01-2008, 07:15 PM
طبعا اول شي
بسم الله الرحمن الرحيم

وثاني شي احب اشكر برنسيسة بغداد على دعوتهة الحلوة
اني يوميا عندي تقريبا روتين ثابت يعني اول شي اكعد من النوم ساعة 7 ومرات 8 الصبح مو سوة المهم اكعد من النوم واصعد بالسيارة اروح للمحل مالتي مع العلم اني عندي محل لتصليح الحاسبات لانه اني مؤجل الدراسة حاليا افتح المحل وابقى بالمحل الى الساعة وحدة الظهر اروح للمطعم اتناول وجبة الغداء اللي هية هم صارت روتين ( لو كص لو كباب لو دجاج ) خخخخخخخخخخ ووراها اروح للمقهة مال النت مال صديقي اصلي ومرات اتغدى عندة بس هالايام هاي غيرت الروتين وكمت اروح للقاعة مال بناء الاجسام الساعة وحدة الظهر واطلع منهة الساعة الثالثة وبعدين اروح للمحل افتح واشتغل الى الساعة الثامنة ليلا ووراهة نروح اني واصدقائي للقهوة نشرب معسل برتقال او نعناع ونبقى للساعة التاسعة والنصف ووراهة اركب الدراجة النارية مالتي اني وصديقي ونروح للبيت
وبالبيت افتح النت طبعا مع العلم اني اربعة وعشرين ساعة فاتح نت بالمحل بس هم ماتين بالبيت اول شي اصلي ومرات اتعشى واغلب الاحيان اتعشى برة واروح وراهة عدل للكومبيوتر مالتي ابقى اتصفح الى ان تطفى الكهرباء وبعدين انام...

اني ادعوا رندة ض101

رندة
07-01-2008, 07:23 PM
هلو حبايب شلونكم
ان شاء الله زينين
شكرا رومانسي على
الدعوة

اول شي اكعد الصبح ياما ب11 او 12 لان تعرفون عطلة

وبعدين اكل شي خفيف
وابدي اشتغل او افتح نت للعصر
وخابر صديقاتي ويخابروني
بكل الاوقات ماعدا النت وسهر للصبح ما انام الا بال4 او 5 او مرات مانام اصلا
اروح لبيت عمي
هناك البنات ونسة ونكضيها
سوالف وضحك ونصبات
وبس وكعدة بالبيت ماكو طلعة لمكان ابد
واكثر شي وقتي كلة بالنت
وبس ياحلوين
تحياتي للجميع
ومشكور مرة ثانية رومانسي على دعوتك الحلوة

واني ادعو العضو
بيكهام العراق

بيكهام العراق
07-01-2008, 10:02 PM
مشكورة رنوده الغاليه على دعوتج الحلوة


مشكورة يااميرة


هلو شلونكم كلكم


اني روتيني قبل العطله اكعد الصبح اروح للكليه بعدين ارجع 3 الضهر اروح للكراده نتغده بصاج الريف وبعدين ارجع للبيت وارجع العصر اطلع نلتم من جديد كروب الكليه نفسه انضل لليل نفتر بغداد كلها ونرجع للبيت

هسه بلعطله اكعد الصبح اروح كل يوم مكان شكل يعني لو للشغل او ما شابه

اتصير ب12 الضهر ابدي افتح نت اضل فاتح للعصر حسب الموجودين طبعا

بعدين اطلع العصر هم للكراده اكيد وارجع بليل افتح نت شويه

اتصير ب 12 يبدي التلفون الخدمه حلوة ولحد ما انعس وانام

هذا مختصر صغير

ومن جديد الف شكر للغاليه الاميرة رنوده


اني ادعي الوردة البيضاء

وردة البيضاء
07-01-2008, 10:53 PM
اشكرك بيكهومي على دعوة
اني بل نسبه الي اكعد من نوم ساعه ثلاث الضهر اجي على نت اشويه بعدها اروح افطر
وبعدها اتفرج ملسله تخلص تبدي ثانيه وبعدين ابدل وراجع على نت
اكعد ساعه ساعتين
بعدين اروح اتفرج اغاني وارجع للنت ساعه تسعه اكوم بل دعش وبعدها اضل سهرانه على تلفزيون
وبعدها الملم بيت اشويه وكمل اصير اذان فجر اصلي واروح اناااااااااام
ويبدي يومي مرة ثانيه

ادعي العضو الي بعدي وهو عدنان العكيدي

عدنان العكيدي
07-01-2008, 11:44 PM
شكرا الى بيكهام
الذى قام بدعوة الورده البيضاء
والتي بدورها دعتني الى المشاركه بهذا الموضوع الجميل
نعم فانا اذهب صباح كل يوم الى العمل ومن ثم العوده الى المنزل عند الساعة الرابعه عصرا
حيث اخذ قسطا من الراحه
بعدها الاستمتاع بما موجود لدي من اغاني على النت او جهاز المسجل حيث اني اعشق الاغاني القديمه
وهكذا حتى موعد دخول النت مره اخرى بين الساعة العاشره والثانيه عشر
بعدها اخلد الى النوم كي ابدء يوم جديد
واخيرا ادعو العضو العزيز الكاسح

الكاسح
07-04-2008, 10:29 PM
شكرا الى عدنان العكيدي
الذى قام بدعوة
والذي بدورا دعاني الى المشاركه بهذا الموضوع الجميل
نعم فانا اذهب الى العمل لان اعمل صحفي
بعد العمل ارجع للبيت اخذ قسطا من الراحه ثمه اذهب العصر
الي السوق ثم ارجع المغرب اصلي وتعشه واجلس على النيت
واني احب اشاهد كرة القدام
واني من مشجعي برشلونه الاسباني
واحب نادي القوه الجويه بالعراق
واني احب اشاهد الافلام الاكشن والرومانسيه ايضا
واني اجلس على النيت من الساعه الثامنه مساء الى 11 مساء
واني احب عملي ايضا
وشكرا
واخيرا ادعو العضو العزيز حنفوووووش

حنفوش
07-04-2008, 10:39 PM
تسلم حبيبي كاسح على الدعوة الجميلة

يااخوتي الاعزاء يومي روتيني جدا جدا

عند الصباح الباكر اذهب للعمل لغاية الغروب ارجع من العمل

اخذ قسط من الراحة في البيت حتى العشاء

بعدها ادخل هنا بالمنتدى كم ساعة حتى تنقطع الكهرباء

عندها اشمر روحي على الفراش الذي فارقته 18 ساعة

لو نيزك يسقط على الارض ما اكعد

حنفوش
07-04-2008, 10:41 PM
العفو نسيت ادعو عضو

ادعو هشومي

IxI HaShOoM IxI
07-08-2008, 04:27 AM
بسم الله
شكرآ عالدعوه الجميله حبي قصي
وآسف لتأخري
ولو أنني كنت مدعو سابقآ وفي الصفحه الاولى الرد الثاني
الا انني سوف ارد على اخي الكريم قصي ولا اخجله

خلي نحجي جلفي لان ضجت

هلو شباب وبنات
طبعآ روتيني اليومي هو عند الصباح الباكر ( هاي شنو شكد اتمنطق اني)
من الصبح اكعد ابدل ملابسي اطلع اروح على صديقي نروح اني ويا نتريك
لو باگلا بالدهن لو مخلمه لو بيض ولحم لو كباب شوي لو تكه
طبعآ مكانكم خالي حته لتكولون نفسه دنيه
بعدين أكمل ريوگ اشبع بطني زين اروح للمحل على شغلي
اني شغلي على الحاسبه بمركز نقالات يعني كل مايتعلق بالسوفت وير
والبرامج والالعاب والثيمات وماشابه ذلك بالاضافه الى وجود النت
يجوني العطلات وكت الظهر اني هم اكون ضايج اجي انصب عليهم
وبالاخير اقفص عليهم واخليهم يطلعون همه الممنونين ض5 ض5
احيانآ اتغده بالسوگ احيانآ اروح للبيت اتغده وآخذلي قسط من الراحه
اجي العصر لحد ساعه بال10 او بال11 مساءآ وأحيانآ بال12
من ارجع بال10 او بال11 تكون الامور طبيعيه بس من ارجع بال12
لا تختلف الشغله ,, راح اترزل رزاله غسل ولبس من هاي التعجبكم ههههههههه
اني بهيج حاله اغلط على نفسي همه يسكتون ههههههه كلاوات العيد هههههههه
اصلي وأتعشه وأجي العب نيتوورك آني وأخويه نكمل أفتح شويه النت احجي ويه الاون لاين
وادخل للمنتدى اشوف شكو ماكو منو مات منو عرس منو يريد ترحيب منو منزل موضوع مخالف
ابقى لحد ماتصير صلاة الصبح اصلي وانام وكان الله يحب المحسنين
هذا هو روتين حياتي

شكرآ لأصغائكم نعمل لأمتاعكم

تحياتي للجميع
وانتظرو العضو القادمـ
ولي عوده

IxI HaShOoM IxI
07-08-2008, 04:31 AM
أدعوا من بعدي عسوله الرافدين

•°o.O Pearl O.o°•
07-08-2008, 05:26 AM
والله يا هشوومي ههههههه
اله اني اله اله
مشكووور عل دعوه هشوميي
:
:
يلا خل احجيلكم اني شسوي
اني حاليا بلسكندريه
وراح احجيلكم شسوي هنا وشسوي بيومي العادي
هسه بلنسبه للسكندريه
اول شي اكعد متأخرة يعني فد 3 او 4 العصر
وراا اطلع انزل عل الشاطئ
واروح اما للنادي او للبحر او مطعم او مكانات السياحه كومه هنا
وراها الى ان تصير ساعه 6 العصر او 7
نبده ننزل للمي اللله المي بارد هيج وكت
ونضل عاد لعب وهلسوالف الى الليل
وراها نروح نتعشى اكلات بحريه
وبعدين عاد اما ترجع للمي او تكعد تتفرج عل بحر والامواااج والهوااا طيييب (والمي بهيج وكت دافي)
وراها نرجع للشالي من يصير الصبح
وننام وهكذا





اما بليوم العادي


اكعد من النوم فد ساعه 5 او 4(اذا من وكت) هههه
اكعد اتغدى وبعدين كبببل عل نت اشوف احد رد عله موضوعي احد علسني اي شي يعني وافرفر وراها اكوم
اما اخابر بنيه حته اروح يمها او تجي يمي او نطلع
او اروح لنادي قريب يمنا
او اطلع اتمشى
يعني اكضي وكت
او اكعد اكتب شعر او ارسم

وراها
اكوم الوب بلبيت عله نستله او جبس
يمعودين
اشترولي انزلوووووو اشترولي
عاد يشترولي هههه واكلها
وراها
ابده اشوف تلفزيون اذا اربعاء فأكو the moment of truth
واذا الخميس او الجمعه اشوف charmed (الساحرات)
واذا مو هاي الايام اشوف اوبرا
وراها تصير بل 10
اشوف نوووور
وراها اذا شفت الفلم بعد نور يشجع ابقه اشوفه واذا لا
اكوم عل نت
وراها ابده مسيرتي بلنت
ولنصاص الليالي
وبعدين فد ساعه 4 اجوع هههه
اكوم اخربط بلمطبخ واسوي اشياء(ياوليلي اذا ماما شمت شي ههههه)
لج بنتييييييييييي راح تحركينا اطلعي انتي والمطبخ شنووووووووو
طبعا ولا تحجون شلون اكل اسوييييي اوووف يخبل(انصحككم لا تضوكو)
وراها ارجع للنت وابده ابتدع افكاررر
وطبعا هه فكرتلكم بمسابقه كلش حلوة بس ارجع من الاسكندريه اسويها
وراها يطلع الصبح واناااااام

اوف هاهيه خلصت
ها شنو رايكم بيومي خخخخ







يلا هسه اختار ورايا عاشقه العترة

IxI HaShOoM IxI
07-08-2008, 05:41 AM
ههههههههههه ولج هاي من وين طلعتي بهل صباحيه ههههههههه
والله خرعتيني داكول شجابهه هههههههههههه شنو جني
أكيد نورتينا بردج عسوله وبصراحتج الحلوه

وهسه راح ننتظر العضو القادم بس اتصور عاشقة العتره سبق وان دعوهه
تحياتي للجميع

IxI HaShOoM IxI
07-10-2008, 08:50 PM
الى هنا أنتهت رحلة يوم في حياة عضو
آميلن أن أستمتعوا وقضيتو أحلى الاوقات وأرقها
كانت ردودكم جميله ورائعه وجدآ صريحه
موعدنا مع موضوع جديد يجمعنا ويسمح لنا بالتعرف عليكم أكثر وأكثر

تحياتي القلبيه للجميع